جاڭا بانكنوتالار ناۋرىز ايىندا جاپپاي اينالىمعا تۇسەدى. ⠀
قازاقستان ۇلتتىق بانكى «ساق ءستيلى» سەرياسى بويىنشا شىعارىلعان جاڭا بانكنوتالاردىڭ بىرنەشە جىل ىشىندە بىرتىندەپ اينالىمعا ەنەتىنىن ەسكە سالادى، دەپ حابارلايدى Almaty-akshamy.kz
ال ەسكى جانە جاڭا بانكنوتالاردىڭ اينالىمدا قاتار ءجۇرۋ كەزەڭى بەلگىلەنەدى. بۇل ستاندارتتى تۇردە – 1 جىل، ءبىراق ۇلتتىق بانك بۇل مەرزىمدى ۇزارتۋعا قۇقىلى.⠀
«اينالىمدا قاتار جۇرەتىن كەزەڭ اياقتالعان سوڭ بارلىق بانك پەن قازپوشتا ەسكى ۇلگىدەگى بانكنوتالاردى تاعى 3 جىل ىشىندە جاڭا ۇلگىدەگى بانكنوتالارعا ايىرباستايتىن بولادى. ال ۇلتتىق بانكتىڭ فيليالدارى ەسكى ۇلگىدەگى بانكنوتالاردى مەرزىمسىز قابىلداي بەرەدى»، دەلىنگەن ۇلتتىق بانك سايتىنداعى حابارلامادا.
نومينالى 5 000 تەڭگەلىك بانكنوتالار 2024 جىلدىڭ ناۋرىز ايىندا جاپپاي اينالىمعا تۇسەدى، سەبەبى ءتيىستى جابدىقتاردى (بانكومات، تەرمينال جانە ت.ب.) بەيىمدەپ، ەلدىڭ بارلىق وڭىرىنە جەتكىزۋ ءۇشىن بەلگىلى ءبىر ۋاقىت قاجەت.