رەسەيدىڭ دون مەملەكەتتىك تەحنيكالىق ۋنيۆەرسيتەتىنىڭ عالىمدارى ليسسابون (پورتۋگاليا) جوعارعى وقۋ ورنىنداعى ارىپتەستەرىمەن بىرگە “جەرگىلىكتى ۋاقىت” ۇعىمىنىڭ تۇجىرىمداماسىن ۇسىندى.
بۇل جايىندا islam.kz پورتالى Foundations دەرەك كوزىنە سىلتەمە جاساي وتىرىپ ءمالىم ەتكەن.
ساراپشىلار ۋاقىتتىڭ ابستراكتىلى ۇعىمىن ناقتى ءومىر قۇبىلىستارىمەن بايلانىستىرۋدى الدىنا ماقسات ەتىپ قويعان ەكەن. وسى ماقساتتا ولار قاراپايىم گەومەتريالىق فيگۋرالار تالداۋىنىڭ نەگىزىندە «جەرگىلىكتى ۋاقىت» ۇعىمىن قولدانىسقا ەنگىزۋ ءۇشىن ماتەماتيكالىق ءادىستى قولداندى. مۇنداي ءتاسىل ءوز كەزەگىندە ادامنىڭ كۇندەلىكتى ومىردە ۋاقىتتى كادىمگى قابىلداۋىمەن الىنعان ناتيجەلەرگە سايكەس كەلۋگە مۇمكىندىك بەردى. وسىنىڭ ارقاسىندا ءىس-شارالاردىڭ ءتارتىبىن كورسەتەتىن «جەرگىلىكتى ۋاقىت» ۇعىمىن ەنگىزۋگە بولادى. بۇل قۇبىلىستاردىڭ قاسيەتتەرىن سيپاتتاۋعا جانە تەوريالىق تۇرعىدان ولاردىڭ دامۋىن بولجاۋعا كومەكتەسەدى.