وتاندىق عالىمدار جوباسىن ق ر عىلىم جانە جوعارى ءبىلىم مينيسترلىگىنىڭ عىلىم قورى قولداپ وتىر.
س. سەيفۋللين اتىنداعى قازاق اگروتەحنيكالىق زەرتتەۋ ۋنيۆەرسيتەتىنىڭ ۆەتەريناريا عىلىمدارىنىڭ كانديداتى، پروفەسسور م. ا. يۋريي ءبالدجيدىڭ جەتەكشىلىگىمەن اۋىل شارۋاشىلىعى جانۋارلارى مەن قۇستارعا ارنالعان بايىتىلعان ەكسترۋدتالعان قۇراما جەم جانە جەمشوپ قوسپالارى ازىرلەندى، دەپ حابارلايدى Almaty-akshamy.kz عىلىم جانە جوعارى ءبىلىم مينيسترلىگىنە سىلتەمە جاساپ.
بايىتىلعان ەكسترۋدتالعان قۇراما جەمدەر مەن جەمشوپ قوسپالارىن پايدالانۋ اس قورىتۋ پروسەستەرىنە، مەتابوليزمگە جانە جانۋارلار مەن قۇستاردىڭ جالپى دەنساۋلىعىنا وڭ اسەر ەتەدى. BioFeed-P فيتوبيوتيكالىق جەمشوپ قوسپاسىن قولدانۋ تاۋىقتاردىڭ سانىن بارىنشا ساقتاۋعا مۇمكىندىك بەرەدى.
BioFeed سەريالى ەكسترۋدتالعان بايىتىلعان جەمدى تاماقتاندىرۋ ەت، ءسۇت جانە جۇمىرتقا ونىمدىلىگىنىڭ جوعارىلاۋىنا الىپ كەلەدى. قويلاردىڭ ورتاشا تاۋلىكتىك سالماعى 0،2-دەن 0،5 كەلىگە دەيىن، بورداقىلاۋ بۇقالارىندا 1،580 كەلىگە دەيىن (+35-40%). ەشكىلەردىڭ ءسۇتى 34،2% - عا ارتادى، بۇل رەتتە ماي مولشەرى 4،7% - عا، سومو 3،4% - عا، تىعىزدىعى 10،2% - عا، لاكتوزا 4،4% - عا ارتادى.
ماستيتپەن اۋىراتىن سيىرلاردا ەكسترۋدتالعان جەمشوپ قوسپالارىن تاماقتاندىرۋ كەزىندە ءسۇت ونىمدىلىگى دەڭگەيىنىڭ تومەندەۋى 5،4%، باقىلاۋ توبىندا – 33،7%، قالپىنا كەلتىرۋ پايىزى 4 ەسە جوعارى. ال بودەنەنىڭ جۇمىرتقا ونىمدىلىگى 4،1% - عا ارتادى.
«NFT-KATU» ءجشس-نىڭ شىعارىلاتىن ءونىم جەلىسى بيوجولاقتار تۇرىندەگى ارالار ۆاررواتوزىمەن كۇرەسۋگە ارنالعان پرەپاراتتاردى قوسۋ، يتتەرگە ارنالعان ازىق-تۇلىك، ال بولاشاقتا مىسىقتارعا جانە بالىقتاردىڭ باعالى تۇقىمدارىنا ارنالعان ازىق-تۇلىك دايىنداۋ ارقىلى كەڭەيدى.
الداعى ۋاقىتتا فەرمەرلەر بايىتىلعان ەكسترۋدتالعان قۇراما جەمگە قىزىعۋشىلىق تانىتىپ وتىر. قازىرگى تاڭدا، ونىمدەر نارىقتا ءساتتى ساتىلۋدا.