جوبا ءقازىر عىلىمدى كوممەرسيالاندىرۋ ساتىسىنان ءساتتى ءوتىپ، وندىرىسكە دايىندالىپ جاتىر. دەمەك وسىمدىكتەن جاسالعان ءسۇت سۋسىندارىنىڭ نارىققا شىعاتىن كۇنى الىس ەمەس، دەپ حابارلايدى Almaty-akshamy.kz حابار24 -كە سىلتەمە جاساپ.
ارينە تابيعي سۇتكە ەشتەڭە جەتپەيدى. ماسەلەن كۇندەلىكتى قولداناتىن سيىر ءسۇتى قورەكتىك زاتتار مەن دارۋمەندەرگە باي. قۇنارلىلىعى تاعى بار. تەك وسى ءسۇتتى ىشە المايتىن ادامدار بار. ۇناتپاعاندىقتان ەمەس، لاكتوزاعا اللەرگياسى بار جاندار امالسىز سۇتتەن باس تارتادى. استانالىق عالىم گۇلنازىم وسپانقۇلوۆا سيىر سۇتىنە بالاما ويلاپ شىعاردى. ياعني، ارپا، بيداي، س ۇلى، كۇرىش جانە سويا وسىمدىگىنەن ءسۇت جاسايدى.
«جوبامىزدا قاراستىىلعان وسىمدىك نەگىزدەگى ءسۇت الماستىرعىشتارى ويلاپ تاۋىپ، جۇزەگە اسىرىپ، قازاقستاندا شىعارماقشى بولدىق. عىلىم قورى ارقىلى گرانت ۇتىپ الدىق، الدىندا زەرتتەۋ وتكىزدىك، زەرتتەۋ ناتيجەگە الىپ كەلدىك. سول ناتيجەلەردى ەندى ءقازىر گرانت ارقىلى ۇلكەن وندىرىسكە شىعارماقشى بولىپ وتىرمىز. اۆتور جوبانىڭ وندىرىسكە تولىق دايىن ەكەنىن ايتادى. ءقازىر عىلىم قورىنىڭ گرانتىمەن ارنايى جابدىقتارعا تاپسىرىس بەرىپ، زاۋىت اشۋ جۇمىستارىن باستاعان. ايتۋىنشا، زاۋىت كۇنىنە 8 مىڭ ليتر وسىمدىك ءسۇتىن شىعارۋعا قاۋقارلى بولماق. بۇل ىشكى نارىق سۇرانىسىن تولىق قامتي الادى»،– دەيدى جوبا جەتەكشىسى گۇلنازىم وسپانقۇلوۆا.
عالىمدار الەم حالقىنىڭ 75 پايىزى وسى لاكتوزاعا توزبەي اللەرگيامەن ارپالىساتىنىن ايتادى. ءبىزدىڭ ەلدە دە اسىرەسە بالالار اراسىندا ءجيى كەزدەسە باستاعان. الايدا عالىمدار ونىڭ دا جولىن تاپتى.
«ساپاسىن باقىلاۋ ماقساتىندا وسى جەردە وڭدەلىپ دايىندالادى. م/لى مىنا رەاكتورلاردى، بيدايلاردى ۇنتاقتاتىپ، بيداي، ارپا دەگەن سياقتى زاتتاردىڭ ءبارىن ۇنتاقتاتىپ، وسى جەردە لاباراتوريالىق جاعدايدى ساپاسىن انىقتاۋ جانە رەسەبىن دايىنداۋ ماقساتىندا ماماندارمەن وڭدەيمىز. ونىڭ ىشىندەگى بەلوك قۇرامىنا، دامدىك ساپاسىنا بايلانىستى، ورگانيكالىق قاسيەتتەرىنە بايلانىستى باعا بەرىپ، رەسەبىن وزگەرتۋ تۋرالى ماماندارمەن قالاي جاقسارتۋ ماقساتىندا كىشكەنتاي سەح رەتىندە دايىندايمىز»،– دەيدى كوممەرسيالاندىرۋ جونىندەگى مامان مارات مۇراتحان،
وسىمدىك نەگىزىندەگى بالامالى ءسۇت ونىمدەرىنە قازىردەن سۇرانىس كوبەيە باستاعان. الەمدىك جۋرنالدارعا شىققان ءبىزدىڭ عالىمنىڭ ماقالاسىن كورگەن قىتايلىق عالىمدار ۇسىنىس جاساپ، قىزىعۋشىلىق تانىتقان. ەلىمىزدە ءسۇتتى الماستىراتىن شەتەلدىك بالامالار بار. دۇكەن سورەلەرىندە دە سامساپ تۇر. الايدا وتاندىق بيولوگتار ولاردىڭ ساپاسىنا كۇمانمەن قارايتىنىن جاسىرمادى. ءارى باعاسىن كەز-كەلگەننىڭ قالتاسى كوتەرە المايدى. سوندىقتان وتاندىق ءونىمنىڭ قۇنىن قولجەتىمدى ەتپەك.