بۇل ءادىس ونكولوگيانىڭ ەرتە ساتىسىندا ءينۆازيۆتى ەمەس تۇرعىدا وبىردى انىقتاۋعا جول اشادى
عالىمدار كىشكەنتاي قۇرتتاردىڭ نەگىزىندە ونكولوگيالىق اۋرۋلاردى انىقتاۋعا قابىلەتتى قۇرىلعى ويلاپ تاپتى، دەپ حابارلايدى Almaty-akshamy.kz Lenta.ru سايتىنا سىلتەمە جاساپ.
جۇمىر قۇرتتارعا نەگىزدەلگەن قۇرىلعى وبىر جاسۋشالارىن ايقىنداي الادى. زەرتتەۋ ناتيجەسىن امەريكالىق حيميا قاۋىمداستىعى جاريالاۋعا ۋادە بەردى. بۇعان دەيىن زەرتتەۋشىلەر كەيبىر يتتەردىڭ يىسكەۋ ارقىلى ادامنىڭ قانى مەن ءزار ۇلگىسىنەن ونكولوگيانى انىقتاي الاتىندىعىن انىقتاعان بولاتىن.
عالىمداردىڭ جاڭا جۇمىسى شامامەن ۇزىندىعى 1 ميلليمەتردى عانا قۇرايتىن C. Elegans جۇمىر قۇرتتاردىڭ دا دياگنوستيكا جاساي الاتىندىعىنا نەگىزدەلگەن. قۇرتتاردى وبىر جاسۋشالارىنىڭ جولىنا جىبەرگەندە ولار وزگەشە ءيىستى سەزەدى دەپ وتىر.
ماماندار مۇنى نازارعا الىپ، جاڭا قۇرىلعى قۇرۋ كەزىندە نەگىزگە الدى. بۇل ءادىس ونكولوگيانىڭ ەرتە ساتىسىندا ءينۆازيۆتى ەمەس تۇرعىدا وبىردى انىقتاۋعا جول اشادى.