ونى ەنەرگيانى سىمسىز جىبەرۋ ءادىسى دەپ اتادى
عالىمدار ءقاۋىپتى ىندەتتى نەبارى ەكى سەكۋندتا جويۋدىڭ ءتاسىلىن اشتى. زەرتتەۋ ناتيجەلەرىنە سايكەس، ميلليمەترلىك تولقىندار كوروناۆيرۋس پەن پوليوۆيرۋستى ەكى سەكۋند ىشىندە 99،8%-عا جويۋعا قابىلەتتى، دەپ حابارلايدى Almaty-akshamy.kz Baq.kz اگەنتتىگىنە سىلتەمە جاساپ.
Lenta.ru-دىڭ مالىمەتىنشە، ماماندار COVID-19-عا بىردەن ون ميلليمەترگە دەيىنگى ۇزىندىقتاعى راديوتولقىننىڭ ىقپالىن ساۋلەلەندىرگەن. زەرتتەۋ اياقتالعان سوڭ ولار رادياسيا پاتوگەندەردى كوزدى اشىپ-جۇمعانشا، ياعني ەكى سەكۋند ىشىندە جوياتىنىن انىقتاعان. ميلليمەترلىك تولقىنداردى دا ولار وبىل جاسۋشالارىمەن كۇرەستىڭ ءتاسىلى، سونىمەن قاتار ەنەرگيانى سىمسىز جىبەرۋ ءادىسى دەپ اتادى.
«ساۋلەلەندىرۋدىڭ بۇل ميلليمەترلىك تولقىن رەجيمىندە ارەكەت ەتەدى، بۇل دەگەنىمىز شامامەن ءۇش ميلليمەتردەي تولقىن ۇزىندىعىنا يە دەگەن ءسوز. سالىستىرۋ ءۇشىن ايتار بولساق: ۇيالى تەلەفوننىڭ ساۋلە شىعارۋ شامامەن 30 سانتيمەتر تولقىن ۇزىندىعىنا، ال ميكروتولقىننىڭ ساۋلەلەنۋى – شامامەن 12 سانتيمەترگە يە»، - دەپ ءتۇسىندىردى جۇمىس اۆتورلارىنىڭ ءبىرى، پروفەسسور موشە ەينات.
زەرتتەۋشىلەر مۇنداي تولقىندار تەمپەراتۋرانى ۇلعايتۋى سالدارىنان ۆيرۋسپەن كۇرەسۋگە مۇمكىندىك تۋدىراتىندىعىمەن ءتۇسىندىردى. الايدا عالىمدار بۇل ءتاسىلدى ادام ورگانيزمىندەگى COVID-19-بەن كۇرەسكە پايدالانۋعا كۇمان تۋدىردى.