ماماندار جاڭا نانوجۇيەنىڭ بولاشاعى زور دەگەندى ايتادى.
ديۋك ۋنيۆەرسيتەتىنىڭ عالىمدارى SARS-Cov-2-مەن كۇرەسۋ ءۇشىن بەلگىلى ءبىر گەندەردى ماقساتتى تۇردە وشىرە الاتىن CRISPR/Cas13 گەنومدى رەداكسيالاۋ تەحنولوگياسىن قولدانۋ ءادىسىن ويلاپ تاپتى، دەپ حابارلايدى Almaty-akshamy.kz COVID-19 تارالۋىنا جول بەرمەۋ جونىندەگى ۆاك-عا سىلتەمە جاساپ..
"تىشقانداردا جۇرگىزىلگەن تۇجىرىمدامانى تەكسەرۋ ەكسپەريمەنتتەرىندە قازىرگى ۋاقىتتا قولجەتىمدى موديفيكاسيالانعان ءليپيدتى نانوبولشەكتەر SARS-CoV-2 ينفەكسياسى ءۇشىن وكپەدە قولايسىز ورتا تۋدىراتىن CRISPR/Cas13 ارنايى ماتريسالى رنق-نى جەتكىزۋ ءۇشىن قولدانىلدى"، - دەيدى عالىمدار.
عالىمدار كاتەپسين L نەمەسە CTSL دەپ اتالاتىن اقۋىزدى ىدىراتاتىن وكپەدە كوپ كەزدەسەتىن جانە ۆيرۋستىڭ ادام جاسۋشالارىنا ەنۋىنە مۇمكىندىك بەرەتىن فەرمەنت پروتەازعا نازار اۋداردى.
CRISPR/Cas13 ماتريسالىق رنق كوكتامىر ىشىنە ەنگىزگەننەن كەيىن جانۋارلاردىڭ وكپەسىندە CTSL كونسەنتراسياسىن تومەندەتىپ، SARS-CoV-2 ۆيرۋسىنىڭ جاسۋشالارعا ەنۋىن ءتيىمدى جانە ءقاۋىپسىز تۇردە توقتاتتى، ناتيجەسىندە وڭدەلگەن جانۋارلاردىڭ ءومىر ءسۇرۋ دەڭگەيى جوعارى بولدى.
جۇقتىرعان جانۋارلارعا جۇرگىزىلگەن ءارى قارايعى تاجىريبەلەر CRISPR جۇكتەلگەن نانوبولشەكتەر COVID ينفەكسياسى بار جانۋارلاردىڭ وكپەسىندەگى ۆيرۋستىق جۇكتەمەنى ازايتاتىنىن جانە ولىمگە اكەلەتىن "يممۋندىق داۋىلدى" باساتىنىن كورسەتتى.
سونداي-اق، بۇل نانوجۇيەنى بولاشاقتا ۆ گەپاتيتى سياقتى باسقا ۆيرۋستارمەن جۇقتىرۋعا باعىتتاۋ ءۇشىن وڭاي بەيىمدەۋگە بولادى دەپ بولجانادى.