وسى جىلدىڭ 28 ناۋرىزىندا قازاقستان رەسپۋبليكاسىندا جوعارى ءبىلىمدى جانە عىلىمدى دامىتۋدىڭ 2023-2029 جىلدارعا ارنالعان تۇجىرىمداماسى بەكىتىلگەن بولاتىن. قازىرگى ۋاقىتتا ونى ىسكە اسىرۋدىڭ تەتىكتەرى قاراستىرىلىپ جاتىر، دەپ حابارلايدى اlmaty-akshamy.kz.
مەملەكەت باسشىسىنىڭ تاپسىرمالارىن ىسكە اسىرۋ شەڭبەرىندە 2022 جىلدان باستاپ: «جاس عالىم» جوباسى بويىنشا جىل سايىن 1000 گرانت ءبولۋ كوزدەلىپ وتىر. سونىمەن قاتار، 500 عالىمنىڭ الەمنىڭ جەتەكشى عىلىمي ورتالىقتارىندا جىل سايىن تاعىلىمدامادان وتۋىنە مۇمكىندىك جاساۋ جوسپارلانۋدا. ەڭ باستىسى، جەتەكشى عالىمداردىڭ ەڭبەگىنە اقى تولەۋدى بازالىق قارجىلاندىرۋعا 85 عىلىمي-زەرتتەۋ ينستيتۋتىن ەنگىزىلمەك. عالىمدار ءۇشىن ەڭ كەرەكتىسى جابدىق ەكەنىن ەسكەرسەك، 16 عىلىمي ۇيىمنىڭ جابدىقتارى قايتا جاڭعىرتىلعان. 2021-2023 جىلدارى رەسپۋبليكالىق بيۋدجەتتەن عىلىمدى قارجىلاندىرۋ ەكى ەسەگە جۋىق وسكەن. ماسەلەن، 2020 جىلى 89،0 ملرد. تەڭگە بولىنسە، 2021 جىلى عىلىمعا بولىنگەن قارجى 109 ملرد. تەڭگەگە جەتكەن. 2023-2025 جىلدارعا ارنالعان عىلىم بيۋدجەتى 3،5 ەسەگە ۇلعايعان.
عالىمداردىڭ مۇمكىنشىلىكتەرىنىڭ ءبىرى - گرانت. بۇگىنگى تاڭدا بولىنەتىن گرانتتار ەسەبىنەن عالىمداردىڭ ورتاشا جالاقىسى 2 ەسەگە وسكەن. 2022 جىلدان باستاپ ءعزي-نىڭ 700 جەتەكشى عالىمى بازالىق قارجىلاندىرۋ شەڭبەرىندە جالاقىمەن قامتاماسىز ەتىلسە، ىرگەلى زەرتتەۋلەرمەن اينالىساتىن جەتەكشى عالىمدارىمىز گرانتتىق كونكۋرستارعا قاراماستان، تۇراقتى قارجىلاندىرۋدى الاتىن بولادى.
قازاقستان رەسپۋبليكاسىندا جوعارى ءبىلىمدى جانە عىلىمدى دامىتۋدىڭ 2023-2029 جىلدارعا ارنالعان تۇجىرىمداماسى ۇلتتىق دەڭگەيدەگى قولدانبالى ماسەلەلەردى شەشۋ ءۇشىن عالىمداردى تارتۋعا باعىتتالعان. باعدارلاما نەگىزىنەن عالىمدار سانىنىڭ ءبىر جارىم ەسەگە ارتىرۋ، ەلدىڭ عىلىمي ەكوجۇيەسىن جاڭعىرتۋ، عىلىمنىڭ ناقتى سەكتورلىق پروبلەمالارىن شەشۋ، بيۋروكراتيزاسيا، سيفرلاندىرۋ، «حالىق ۇنىنە قۇلاق اساتىن مەملەكەت» اياسىنداعى جۇمىس ارقىلى عىلىمدى اكىمشىلەندىرۋ ساپاسىن جاقسارتىلاتىن بولادى.