ءوز ءومىرىن سۇيىكتى ىسىنە ارناعان، كاسىبيلىگىمەن، ەڭبەكقورلىعىمەن قوعامنىڭ دامۋىنا ۇلەس قوسىپ جۇرگەن جاندار بار. سولاردىڭ ءبىرى - گالينا نوركينا، دەپ حابارلايدى aqshamnews.kz
گالينا نوركينا – ءوز ءىسىن بەرىلە ىستەيتىن، ماماندىعىن ايرىقشا جاقسى كورەتىن جانداردىڭ جارقىن ۇلگىسى. بالا كەزىنەن ەڭبەكتىڭ ءقادىرىن تۇسىنگەن ول كۇن سايىن ءتوزىم مەن شەبەرلىكتى تالاپ ەتەتىن كاسىپپەن اينالىسقان جۇمىسشى وتباسىنىڭ قۇندىلىقتارىن بويىنا ءسىڭىرىپ وسەدى.
«مەن جۇمىسشىلار وتباسىنىڭ ءۇشىنشى بۋىنىمىن. اتا-انام مەنى ءارقاشان ءوز جۇمىسىمدى جاقسى كورۋدى جانە ءبىر ورىندا تۇراقتى ەڭبەك ەتە ءبىلۋدى ۇيرەتتى»، - دەيدى گالينا نوركينا.
گالينا ەڭبەك جولىن 1975 جىلى 4 ناۋرىزدا، ياعني 18 جاسىندا مەتالل كونسترۋكسيالارى زاۋىتىنا كەلگەن كەزدە باستاپتى. ول العاشقى جۇمىسىنا كران ءماشينيسى كۋرسىن ءتامامداعان زەرتحانادا كىرىسىپتى. سودان سوڭ ساتۋ بولىمىنە ورنالاسىپ، كوپ ۇزاماي ءوزى كۇنى بۇگىنگە دەيىن جۇمىس ىستەپ كەلە جاتقان ارماتۋرا سەحىنا اۋىسادى.
«تەحنيكانى جاقسى كورىپ تۇرۋ قاجەت، – دەگەن گالينا وزىنە وسى كاسىپتىڭ قىر-سىرىن ۇيرەتكەن تالىمگەرىن ەسىنە الدى. – ول ءارقاشان «ادامعا ىستەگەن جۇمىسى قۋانىش سىيلاۋى كەرەك» دەيتىن ەدى».
بۇل سوزدەر گالينا ءۇشىن زاۋىتتا وتكەن 50 جىلعى ەڭبەك جولىندا ءجون سىلتەپ تۇرعان تەمىرقازىقتاي بولدى.
كران ءماشينيسىنىڭ جۇمىسى تەك تەحنيكالىق داعدىلاردى عانا ەمەس، قاۋىپسىزدىك ەرەجەلەرىن قاتاڭ ساقتاۋدى دا تالاپ ەتەدى.
«ەگەر قاۋىپسىزدىك شارالارىن ساقتاماساڭىز، جۇمىسىڭىز ناتيجەسىز بولادى»، - دەيدى گالينا.
ونىڭ مىندەتىنە جۇك بەرۋ جانە شىعارۋ، ارماتۋرا تيەۋ جانە ءتۇسىرۋ، ونىمدەردى ستانوكتارعا بەرىپ وتىرۋ كىرەدى. بۇل كاسىپتەگى تابىس كىلتى - ۇساق-تۇيەكتى نازاردان تىس قالدىرماي، اسا ۇقىپتى بولۋ.
گالينانىڭ ايتۋىنشا، كران ءماشينيسى بولۋ ءۇشىن ءوز جۇمىسىڭدى جاقسى كورىپ، بيىكتەن قورىقپاۋ جانە تىڭعىلىقتى بولۋ كەرەك.
«ماعان ءوز جۇمىسىم قاتتى ۇنايدى، سوندىقتان قاشان كەتەتىنىمدى بىلمەيمىن. ءوزىم ەڭبەك ەتەتىن زاۋىتقا دا ابدەن باۋىر باسىپ قالدىم»، - دەيدى ول ءوز تولقىپ.
گالينا نوركينا كرانشى عانا ەمەس. ول جارتى عاسىر بويعى بار كۇش-قۋاتى مەن ءبىلىمىن ءبولىسىپ، جاس بۋىندى ءوز ونەگەسىمەن قاناتتاندىرىپ كەلە جاتىر. ونىڭ ەڭبەك جولى – قاجەتتى ءارى سۇرانىسقا يە ماماندىققا دەگەن ادالدىق پەن سۇيىسپەنشىلىك جولى.
ەسكە سالا كەتسەك، مەملەكەت باسشىسى قاسىم-جومارت توقايەۆ 2025 جىلدى جۇمىسشى ماماندىقتارى جىلى دەپ جاريالاعان بولاتىن. ەل پرەزيدەنتى تەحنيكالىق جانە كاسىپتىك ءبىلىم بەرۋ جۇيەسىن رەفورمالاۋدى دا تاپسىردى.
ايتا كەتسەك، Almaty TV تەلەارناسىندا «Made in Almaty»، «الماتى كوشەلەرى» «ەكونوميكا جاڭالىعى» جانە «قالا تىنىسى» سياقتى ءبىرقاتار جاڭا باعدارلاما مەن جاڭالىقتار ايدارى جارىق كوردى. جۋىردا «الماتى اۋداندارى» جانە «كەرى بايلانىس» جوبالارىن شىعارۋ جوسپاردا بار.