ويناپ بىلۋدە ونەر
نەمىس فيلوسوفى ارتۋر شوپەنگاۋەر «پاراساتتىلار ءوز ومىرىنەن ءلاززات الادى، بوس ۋاقىتىن دۇرىس يگەرەدى. اقىماقتار بوس قالۋعا توزبەيدى. بوس ۋاقىت ولاردى زەرىكتىرەدى. سوندىقتان ولار پايداسىز ويىنمەن كوڭىل اۋلاپ، ۋاقىتتىق راحاتقا سالىنادى» دەپتى. ويدى ءارتاراپتان تارقاتالىق.
قازىرگى تاڭدا جاس تا، كارى دە بارلىعى سمارتفوننان ءارتۇرلى ويىن ويناۋعا قۇمار. ءبىرىسى ۋاقىت وتكىزۋدى كوزدەسە، ەكىنشىسى وسىنىڭ سوڭىنا تۇسكەن. ارىسى قۇمار ويىن ويناۋعا دەيىن كەتىپ قالعان. ءتۇبى قايىرلى ءىس ەمەس. بۇرىنعىلار «ارنارسەنىڭ ءوز ءجونى بار» دەيتىن. تەگى راس ءسوز.
سمارتفوننان ويىن ويناۋ. بۇگىنگىنىڭ بالاسى زەرەك. ءتىپتى وزىمىزدەن اقىلدىراق سياقتى. ءبىز بىلمەيتىندى بىلەدى. ۇيرەتۋدەن گورى، كوپ جاعدايدا ۇلكەندەر جاعى ءوزى ۇيرەنىپ جاتادى. عىلىمي تەحنولوگيانىڭ ىشتەن ءبىلىپ تۋعانداي كورىنەدى. جاستاردىڭ تىلىمەن ايتقاندا «ءبارىن شاشادى». وعان تالاس جوق. بالكىم، زاماننىڭ تالابى سولاي بولار. دەگەنمەن، ويىننان باس كوتەرمەي، تەلەفونعا تەلمىرىپ وتىرعانىن كورىپ تاڭداناسىز. كەيدە، ازداپ قارنىڭىز اشادى. باستىسى ىشتەي كوپ ۋاقىتىن ۇيالى تەلەفوننىڭ ماڭىندا جوعالتپاسا ەكەن دەيسىز. اربىردەن، كوزگە، ميعا زيان ەكەنىن بولدىرعان بۇلدىرشىندەردەن بايقايمىز. ويىمىز، قىزىقتى كىشكەنە ەرانننان ەمەس سىرتتان ىزدەسە دەيمىز.
ويىن ويناعان ازار. حالقىمىز وسى ءبىر داناگوي ءسوزدى تەككە قالدىرماپتى. الگىندە بالالارعا بايلانىستى ءبىراز ويدىڭ شەتىن قوزعادىق. بۇرىنعىداي اۋلاعا شىعىپ كورشى قاتارلاستارىمەن بىرگە دوپ وينا، قۋالاسىپ، تاي-قۇلىنداي تەبىسىپ بىرگە ويناپ وسكەنگە نە جەتسىن؟ ماڭدايىن جەل قارماپ، تەرلەپ تەپشىپ ويناسا، دەنەسى شىنىعادى. ويى سەرگيدى. فيزيكالىق تۇرعىدان العاندا، دۇرىس قالىپتاسۋىنا اسەر ەتەدى. ال ۆيرتۋالدى الەمدە مۇنىڭ بىرىدە بولمايدى.
توپشىلاۋ. الاش قايراتكەرى، اقىن سۇلتانماحمۇت تورايعىروۆ «بالالىقتىڭ قانىنا ويىن ازىق» دەپتى. جوعارىداعى ويلاردى توپشىلاعاندا وسىعان سايادى. ويىننىڭ قۋساڭ ۋاقىت بوسقا وتەدى. بارشا ىستە بالانس بولعانى ءجون سياقتى. ال سول نارسەنى اركىم وزىنە-وزى جاسايدى.