وتاندىق ءىت سالا قارقىندى دامۋدا
ەلىمىزدىڭ ءىت سالاسىندا وڭ وزگەرىس كوپ. سوڭعى ۋاقىتتارى دامۋدىڭ داڭعىل جولىنا بەت بۇرعانداي. جاستار ورەندەردىڭ قىزىعۋشىلىعىندا شەك جوق. باستىسى الەمدى باعىندىراتىن قاراكوزدەردىڭ شىعاتىنىنا سەنەمىز.
وسى ورايدا الماتىلىق جاس كاسىپكەر، TezText قوسىمشاسىن ويلاپ تابۋشىنىڭ ءبىرى اباي سەرعازييەۆتى سۇقباتقا تارتقان ەدىك.
– اباي ءوزىڭىزدى ءىت كومپانيانىڭ باسشىسى ەكەنىڭىزدى بىلەمىز، اتالعان سالانى تەرەڭ يگەرمەك ءۇشىن نە ىستەمەك كەرەك؟
– وتە جاقسى سۇراق! ءبىزدىڭ باعىتىمىز عالامتورمەن تىكەلەي بايلانىستى. ەڭ نەگىزگىسى قۇشتارلىق كەرەك شىعار. اتالعان قاسيەت بولسا قالعانى ءوز ورىن تابادى. بىزدە ستۋدەنتتەر دە، ءتىپتى 18 جاس شاماسىنداعى جاستار جۇمىس اتقتارادى. ەگەر قابىلەتى بولسا الىپ كەتەدى. مەنىڭ جاسىم 28-دە. جاستايىمىزدان بىزدەر كومپيۋتەر، ينتەرنەتكە جاقىن بولدىق. سونىڭ ناتيجەسىنىڭ ءبىرى TezText قوسىمشاسى دەگىم كەلەدى. ءاربىرىمىز، ناتيجەلى ىسپەن اينالىسىپ ءجۇرمىز دەپ سانايمىز.
– الەمدە، فەيسبۋكتى مارك سۋكەربەرگ، ينستاگرامدى كيەۆين سيستروم ويلاپ تاپتى. ءتىزىمدى جانە جالعاستىرۋعا بولادى. ولار مۋلتيميللياردەرلەر قاتارىندا. بولاشاقتا قازاق جاستارىن جانە ءسىزدى وسىلاردىڭ قاتارىنان كورۋىمىز مۇمكىن بە؟
– ارينە! ءبارى دە مۇمكىن. نەگىزىنەن العاندا اۋحاتتىلىق پەن بايلىقتى كوزدەمەيمىن. بار بولعانى، ءسۇيىتى ىسپەن اينالىسىپ جۇرگەندەر قاتارىنا جاتقىزامىن. بۇل ءۇشىن اۋىزبىرشىلىك كەرەك. ويتكەنى جۇمىستىڭ ىڭعايى سولاي. ءبىر ادامنىڭ قاجىر-قايراتىنا بارلىق تىرلىككە كەلمەيدى. اگاراكي، اركىم ءوز جۇمىسىن تىڭعىلىقتى اتقارسا، ىلگەرى جىلجۋ دەگەن سول دەر ەدىم.
– قازاق ءتىلدى كونتەنت كەنجە دامۋدا، بۇل تۇرعىداعى ويلارىڭىزبەن بولىسسەڭىز؟
– ءيا، ول دا بار. ءبىراق سوڭعى ۋاقىتتارى قازاقشا عالامتوردى پايدالانۋ كەڭ ءورىس الىپ كەلەدى. ءبىزدىڭ جاستارىمىزدىڭ سويلەۋ داعدىسى كوپ قازاقشالاندى. بۇرىنعىمەن سالىستىرعاندا العا جىلجۋ بايقالادى. سول سەبەپتى دە قازاقى اۋدوتيرياعا ارناپ مۋلتفيلم اۋدارىپ، بالالار ويىندارىن جاساۋ ويدا تۇر. نەگە جاپونيانىڭ «نارۋتوسى» سياقتى شىعارمايمىز؟! وسىنى قولعا الۋ كەرەك. ۇلكەن يدەولوگيامەن جاسالعان، ءسالت-داستۇر، قۇندىلىقتار تۇرعىسىنان العان دا بىزگە جاقىن. وسىنداي يگى قۇندىلىقتاردى قاجەتىمىزگە اسىرعان ءجون. يبن سينا، جالپى ءىلىمدار ادامدار ورتا ازيادان تارايدى. عالىم، ءبىلىمنىڭ شامشىراقتارىنىڭ ەڭبەگىن ءتارجىمالاعان ابزال. ءبىر سوزبەن ايتقاندا، دەشتى-قىپشاق، تۇركىلەردەن نەبىر ۇلى ويشىلدار شىققان.
– شەت ەلدى باعىندىرۋ نەمەسە سوندا قونىس اۋدارۋ ويدا بار ما؟
– بىزدەر تۋعان جەردىڭ ۇلاندارىمىز. قازاق جەرى بارشامىزدىڭ ىستىق وتانىمىز. شەت ەلگە بارىپ تا، وندا ءومىر سۇرۋگە دە بولادى. ونسىز دا شەتەل نارىعىندامىز. دەگەنمەن، اعايىن-تۋىس، اتا-انا باۋىرلارىمىز وسىندا. ولاردان قول ءۇزىپ كەتۋگە بولمايدى. ايتپەسە، ءاربىرىمىزدىڭ سىر ەلدە ىستەۋگە قاۋقارىمىز بەن ءبىلىمىمىز جەتەدى. سونداي-اق، الاش قايراتكەرلەرى ءاليحان بوكەيحان، احمەت بايتۇرسىن ۇلى سياقتى ت.ب الىپتار ەلى ءۇشىن قىزمەت اتقاردى. الدىڭعى بۋىننىڭ جولىن جالعاۋ اربىرىمىزگە پارىز بولماق. قىسقاشا ايتقاندا، ءبارىبىر تۋعان ولكەنىڭ ءقادىرى ءبىر بولەك دەمەكپىز.
– اڭگىمەڭىزگە راقمەت!