«استانا» الاڭىندا Gakku Dauysy 2022 فەستيۆالى كەزىندە كورەرمەندەر ىرگەلەس اۋماقتاعى جاسىل جەلەكتەرگە ايتارلىقتاي زيان كەلتىرگەن دەپ حابارلايدى almaty-akshamy.kz
ەكولوگيا جانە قورشاعان ورتا باسقارماسىنىڭ باعالاۋى بويىنشا، شىعىن سوماسى 13 ملن تەڭگەدەن استى – ءبىر جىلدىق، كوپ جىلدىق بۇتالار مەن گۇلدەر، ونىڭ ىشىندە قالانىڭ جاقىن ماڭداعى گۇلزارىنداعى راۋشاندار جويىلدى. بارلىعى 94 مىڭعا جۋىق گۇل تاپتالىپ كەتكەن.
- 913 شارشى مەتر ءبىرجىلدىق وسىمدىكتەر،
- 326 شارشى مەتر كوپجىلدىق وسىمدىكتەر،
- 117 شارشى مەتر راۋشان گۇلدەر.
المالى اۋدانى اكىمدىگىنىڭ مالىمەتى بويىنشا 13 ورىندىق، 1 جارىق باعاناسى، گرانيت ۋرناسى مەن ەكى كامەرانىڭ نەگىزى قيراعان.
سوندىقتان الماتى قالاسىنىڭ اكىمدىگى ەلىمىزدىڭ مادەني ورتالىعى بولىپ تابىلاتىن مەگاپوليستىڭ تۇرعىندارى مەن قوناقتارىنان جاسىل جەلەكتەرگە جانە گۇلدەرگە ۇقىپتى قاراۋدى، سونداي-اق قالانى اباتتاندىرۋ مەن كوگالداندىرۋمەن اينالىساتىن قىزمەتكەرلەردىڭ ەڭبەگىن قۇرمەتتەۋدى سۇرايدى. كەلتىرىلگەن زالال قالا اكىمدىگىنىڭ كۇشىمەن قالپىنا كەلتىرىلەدى-جاڭا وسىمدىكتەر قىسقا مەرزىمدە وتىرعىزىلادى.
كۇن سايىن قالا اۋماعىن سۋارۋ مەن كوگالداندىرۋ جۇمىستارىنا 300-گە جۋىق مامان مەن 80-نەن اسا ارنايى تەحنيكا جۇمىلدىرىلادى.
اعىمداعى جىلى دەكراتيۆتى كوگالداندىرۋدىڭ جالپى اۋماعى 159 مىڭ شارشى مەتردى قۇرايدى، ال گازون اۋماعى - 26 مىڭ شارشى مەتر.