بولجام بويىنشا پاندەميا 2023 جىلى اياقتالادى
يتاليادا دەنساۋلىق ساقتاۋ مينيسترلەرىنىڭ كەزدەسۋى وتۋدە. اتالعان جيىن G20 اياسىندا ءوتىپ جاتىر، دەپ حابارلايدى Almaty.akshamy.kz Euronews.com-عا سىلتەمە جاساپ.
مۇندا مامىر ايىندا ريمدە وتكەن جاھاندىق سامميتتە قابىلدانعان «ريم كەلىسىمشارتى» تالقىلانۋدا. ول قۇجاتتا بۇكىل الەمدە كوروناۆيرۋستان ۆاكسيناسيا الۋدىڭ ماڭىزدىلىعى تۋرالى ايتىلعان.
يتاليانىڭ دەنساۋلىق ساقتاۋ ءمينيسترى روبەرتو سپەرانسا Covid-19-عا قارسى ۆاكسيناسيا ناۋقانىن كەڭەيتۋدى جاعدايى الدەقايدا دۇرىس مەملەكەتتەر ءوز جاۋاپكەرشىلىكتەرىنە الۋى كەرەك دەپ مالىمدەدى.
«ەشكىم ءوزى جالعىز كۇرەسە المايدى، جانە ۆاكسينا - ءبىزدىڭ ورتاق قارۋىمىز»، - دەدى يتاليا ءمينيسترى.
امەريكاندىق يممۋنولوگ ەنتوني ءفاۋچيدىڭ بولجامى بويىنشا، پاندەميا 2023 جىلى اياقتالادى. الايدا سپەرانسانىڭ پىكىرىنشە، ونىڭ ءبارى الەمدەگى ۆاكسيناسيا بارىسىمەن بايلانىستى، سول سەبەپتى بۇل ءسامميتتىڭ ماڭىزى زور.