جاۋاپكەرشىلىككە تارتىلعان ازامات وزەن ارناسىنا لاس سۋ اعىزعان.
الماتى پوليسەيلەرى ەكولوگياعا زيان تيگىزگەن ازاماتى جاۋاپقا تارتتى، دەپ حابارلايدى Almaty-akshamy.kz.
ىشكى ىستەر مينيسترلىگىنىڭ رەسمي سايتىنداعى مالىمەت بويىنشا، پوليسيا قۇقىق بۇزۋشىنى «كازاچكا» وزەنىنە لاس سۋلاردى زاڭسىز اعىزعانىن انىقتاۋ بويىنشا جەرگىلىكتى ءىس-شارا جۇرگىزۋ كەزىندە انىقتاعان.
«رەيدتىڭ نەگىزگى ماقساتى «كازاچكا» وزەنىنىڭ لاستانۋ كوزدەرىن انىقتاۋ جانە بۇزۋشىلىقتار انىقتالعان كەزدە، ولاردى جويۋ بولىپ تابىلادى. اشىق فاكت انىقتالدى. جەرگىلىكتى تۇرعىن – ا.ەسىمدى ازامات كوشەدەگى دارەتحانادان ءناجىستى وسى وزەنگە اعىزىپ كەلگەن. ول بۇل ارەكەتى ءۇشىن ق ر اقبك-نىڭ 505-بابى بويىنشا اكىمشىلىك جاۋاپكەرشىلىككە تارتىلدى. سونىمەن قاتار، ءبىز انىقتالعان زاڭ بۇزۋشىلىقتاردى دەرەۋ جويۋدى تالاپ ەتتىك»، – دەدى الماتى قالالىق پد جەرگىلىكتى پوليسيا قىزمەتى باسقارماسىنىڭ باستىعى ماناپ ساتتاروۆ.
پوليسەيلەر بۇل ءىس-شارانىڭ الماتى قالاسى ەكولوگيا دەپارتامەنتى، مەدەۋ اۋداندىق پب جپقب ەكولوگيالىق پوليسياسى، مەدەۋ اۋدانى اكىمىنىڭ اپپاراتى، «قازگيدرومەت» رمك، الماتى قالاسى سانيتارلىق-ەپيدەميولوگيالىق باقىلاۋ دەپارتامەنتى، بالقاش-الاكول باسسەيندىك سۋ قورىن رەتتەۋ مەن قورعاۋ ينسپەكسياسى جانە الماتىداعى ازاماتتىق قوعام وكىلدەرىمەن بىرلەسىپ وتكىزىلگەنىن ءتۇسىندىردى.
