فۋتزالدان قازاقستان قۇراماسى بۇگىن، 20 جەلتوقساندا الەم چەمپيوناتى ەليتالىق ىرىكتەۋ ساتىسىندا رۋمىنيا قۇراماسىمەن وينايدى، دەپ حابارلايدى اlmaty-akshamy.kz.
ەل قۇراماسى ا توبىندا سىنعا ءتۇسىپ جاتىر. قارسىلاستارى – رۋمىنيا، ازەربايجان جانە نيدەرلاند.
رۋمىنيا مەن قازاقستان كەزدەسۋى ەلوردا ۋاقىتىمەن 23:00-دە باستالىپ، «Qazsport» تەلەارناسىنان تىكەلەي ەفيردە كورسەتىلەدى.
ەل قۇراماسى بۇعان دەيىن رۋمىنيانى 4:3 ەسەبىمەن جەڭدى. سونداي-اق ەكى مارتە نيدەرلاندتى 2:0، 2:0، ازەربايجاندى 4:2، 3:2 ەسەبىمەن تىزە بۇكتىردى.
بەس تۋردان كەيىن 15 ۇپاي جيناعان قازاقستان قۇراماسى كوش باسىندا كەلەدى. ولار ءبىر تۋر بۇرىن الەم چەمپيوناتى فينالدىق ساتىسىنا جولداما الدى.
ودان كەيىنگى ورىنداعى نيدەرلاند - 6، رۋمىنيا - 4، ازەربايجان 4 ۇپايدان ەنشىلەگەن.
ايتا كەتسەك، ەل قۇراماسى الەم چەمپيوناتىنىڭ فينالدىق ساتىسىندا 2000، 2016، 2021 جىلداردا سىنعا ءتۇستى. ولار 2021 جىلى 4-ورىنعا تابان تىرەدى.