قۇرامالار تارتىستى ويىن كورسەتپەك
ەۋرو-2022 چەمپيوناتىنا دايىندىق اياسىندا ريكاردو كاكا جاتتىقتىراتىن قازاقستان قۇراماسى وزبەكستانمەن ەكى جولداستىق ماچ وتكىزەدى. قوس كەزدەسۋدە نۇر-سۇلتان قالاسىنداعى جاقسىلىق ۇشكەمپىروۆ اتىنداعى جەكپە-جەك سارايىندا 14 جانە 15 جەلتوقسان كۇندەرى وتەدى. ويىندار ەلوردا ۋاقىتىمەن 19:00-دە باستالادى.
بيلەت قۇنى ءار ويىنعا - 1000 جانە 2000 تەڭگە. 5 جاسقا دەيىنگى بالالارعا كىرۋ تەگىن! بيلەتتەردى تەك zakazbiletov.kz سايتىندا ونلاين ساتىپ الۋعا بولادى. ارەنا كاسسالارىندا بيلەتتەر ساتىلمايدى.
سانيتارلىق-ەپيدەميولوگيالىق تالاپتارعا ساي جاقسىلىق ۇشكەمپىروۆ اتىنداعى جەكپە-جەك سارايىنا جينالاتىن جانكۇيەرلەردىڭ سانى 50 پايىزدان اسپايدى. ءار ويىنعا ساتىلىمعا شىققان بيلەتتەردىڭ سانى – 1300.
ستاديونعا كىرۋ ASHYQ قوسىمشاسىنىڭ «جاسىل بەلگىسىمەن» عانا كىرۋگە بولادى، سونداي-اق بارلىق سانيتاريالىق نورمالاردى (ماسكا جانە الەۋمەتتىك قاشىقتىق) ساقتاي وتىرىپ جۇزەگە اسىرىلادى.
قازاقستان قۇراماسىنىڭ بارلىق جانكۇيەرلەرىن وزبەكستانعا قارسى ماچتاردا كوماندامىزدى قولداۋعا شاقىرامىز. العا، قازاقستان!