الماتىدا ۇزدىك يننوۆاسيالىق ستارتاپ يەگەرلەرى ماراپاتتالدى

الماتىدا «كرەاتيۆ جاستار» جوباسى اياسىندا ۇيىمداستىرىلعان «ۇزدىك يننوۆاسيالىق ستارتاپتار» بايقاۋىنىڭ جەڭىمپازدارى ماراپاتتالدى

قالا كولەمىندە وتكەن جوبانىڭ 12 نوميناسياسى بويىنشا ۇزدىك دەپ تانىلعان جوبا اۆتورلارىنا سىيلىقتار مەن ارنايى سەرتيفيكاتتار تابىستالدى، دەپ حابارلايدى Almaty-akshamy.kz Almaty.tv-گە سىلتەمە جاساپ.

ەندى جەڭىمپازدار ءوز باستاماسىن ىسكە اسىرۋ ءۇشىن بيزنەس گرانتتارىنا قاتىساتىن بولادى.  

«كرەاتيۆتى تەحنولوگيالاردى يگەرۋ جانە ونى جۇزەگە اسىرۋ – زامان تالابى. بايقاۋ بويىنشا 5 ترەنينگ وتكىزىلىپ، بىلىكتى ماماندار جاستاردى دايارلادى. جاستار ءوز جوباسىن، ءوز يدەياسىن ۇسىندى»، – دەدى ءماسليحات دەپۋتاتى ءاسيا اقانوۆا.

بايقاۋ باستالعالى 500 ءوتىنىم ءتۇسىپ، ىرىكتەۋ ناتيجەسىندە 12ء-سى ۇزدىك دەپ تانىلدى. بۇگىن وتكەن جيىندا بارلىق جوبا كوپشىلىك نازارىنا ۇسىنىلىپ، ۇيىمداستىرۋشىلار باستامانىڭ وزەكتىلىگى مەن ەرەكشەلىكتەرىن اتاپ كورسەتتى.

ايتا كەتسەك، جاستارعا مۇمكىندىك بەرەتىن بايقاۋ قالالىق قوعامدىق دامۋ باسقارماسىنىڭ جانە «جاس وتان» جاستار قاناتىنىڭ قولداۋىمەن ءوتتى.

«مەنىڭ جاساعان جوبام «3D بيوزەرتحانا» دەپ اتالادى. بۇل زەرتحانادا ءبىز بۇرىنعى گيپستەردىڭ ورنىنا قولدان جاسالعان ورامالاردى جاسادىق. مۇنداي جوبا ەلىمىزگە كەلىپ جاتىر. ال جاھاندىق نارىقتا ەندى قولعا الىنعان جوبالاردىڭ ءبىرى»، – دەدى ۇزدىك جوبا يەگەرىنىڭ ءبىرى  ورىنباسار قالداربەك.