فينليانديا-قازاقستان كەزدەسۋى 2:6 ەسەبىمەن جەرلەستەرىمىزدىڭ جەڭىسىمەن اياقتالدى
قازاقستان قۇراما كومانداسى فۋتزالدان ەۋروپا چەمپيوناتىنداعى ەكىنشى ماچىندا جەڭىسكە جەتتى، دەپ حابارلايدى Almaty-akshamy.kz
العاشقى تۋردا قازاقستان قۇراماسى سوڭعى مينۋتتاردا تارازى باسىن تەڭەستىرىپ، سلوۆەنيا قۇراماسىمەن 4:4 ويناعان بولاتىن. ءبىر ۇپايدان كەيىن جانكۇيەرلەر پلەي-وففقا شىعۋدىڭ قيىنداپ كەتكەنىن جاقسى ءتۇسىندى. الايدا، سول ماچتان سوڭ يتاليا مەن فينليانديا كوماندالارى كەزدەسىپ، ولار دا جەڭىمپازدى انىقتاي المادى. سونىڭ سالدارىنان توپتاعى جاعداي ءبىرىنشى تۋردان سوڭ بىركەلكى بولدى. ال ەكىنشى تۋردا يتاليا مەن سلوۆەنيا كوماندالارى كەزدەستى. بۇل ويىننىڭ ەسەبى تۋرنيرلىك كەستەگە قاتتى اسەر ەتەتىن. فاۆوريت يتاليا قۇراماسى بولعانىمەن ماچ تاعى دا تەڭ اياقتالدى. وسىدان سوڭ يتاليا مەن سلوۆەنيادا 2 ۇپايدان بولدى. بۇل قازاقستان مەن فينليانديا ءۇشىن وتە تاماشا ەدى. قايسىسى جەڭسە تۋرنيرلىك كەستەدە ءبىرىنشى ورىنعا شىعاتىنىن الاڭعا ءبىلىپ شىقتى.
ماچتىڭ باستاپقى بولىگىندە فينليانديا قۇراماسى شيراق قيمىلدادى. ءبىرىنشى بولىپ ەسەپتى دە سولار اشتى. ءبىراق، ءبىرجان ورازوۆتىڭ گولىنان كەيىن ەسەپ تەڭەستى. كەيىننەن فينليانديا قۇراماسى تاعى ءبىر گول سالىپ، قورعانىستىڭ قاتەلىگىن پايدالانىپ كەتتى. ءبىراق قاقپاشىمىز يگيتا ورتاعا شىعىپ، سوققى جاسادى. ەسەپ 2:2 بولىپ قايتا تەڭەستى. ءبىرجان ورازوۆتىڭ عالامات پاسىنان كەيىن ارنولد كناۋب قازاقستان قۇراماسىن العا شىعاردى.
ءبىرجان ورازوۆ ازات ءۆاليۋليننىڭ پاسىنان كەيىن ادەمى گول سالىپ، دۋبل اۆتورى اتاندى. سوسىن ارنولد كناۋب ەدسوننىڭ پاسىنان كەيىن ەسەپتى 5:2 قىلدى. ال ماچتىڭ نۇكتەسىن ازات ۆاليۋللين قويدى.
قازاقستان قۇراماسىندا ەندى 4 ۇپاي. 28 قاڭتار كۇنى ساعات 22.30-دا يتاليا قۇراماسىنا قارسى وينايدى.
فينليانديا – قازاقستان – 2:6 (1:1)
گولدار: حوسيو 13 (1:0)، ورازوۆ 18 (1:1)، كورپەلا 24 (2:1)، يگيتا 25 (2:2)، كناۋب 29 (2:3)، ورازوۆ 32 (2:4)، كناۋب 34 (2:5)، ۆاليۋللين 40 (2:6)
ەسكەرتۋلەر: يۋ.كيۋتەليا 19، كورپەلا 20 – ەدسون 20
فينليانديا: كويۆۋمياكي، ساۆولياينەن – اۋتيو (ك)، يۋ.كيۋتەليا، حوسيو، اللاميككوتەرۆو، پيككاراينەن، يۋركياينەن، يۋننو، كورسۋنوۆ، لينتۋلا، كورپەلا، پەيليە، ۆانحا.
قازاقستان: يگيتا (ك)، اتانتايەۆ – تاينان، تۇرساعۇلوۆ، دۋگلاس، ورازوۆ، قاراعۇلوۆ، ەدسون، ۆاليۋللين، كناۋب، توقايەۆ، ساعىندىقوۆ.