فۋتبولدان ۇلتتار ليگاسىندا گەرمانيا ءوز الاڭىندا ۆەنگرياعا جەڭىلدى

فۋتبولدان UEFA ۇلتتار ليگاسى بەسىنشى تۋرىنىڭ ەكىنشى ويىن كۇنى اياقتالدى، دەپ حابارلايدى Almaty-akshamy.kz Inform.kz-كە سىلتەمە جاساپ.

بۇل كۇنگى ويىندار اراسىندا ا ديۆيزيونى ءۇشىنشى توبىنداعى گەرمانيانىڭ ءوز الاڭىندا ۆەنگرياعا 0:1 ەسەبىمەن جەڭىلىپ قالۋى جانكۇيەرلەر قىزىعۋشىلىعىن تۋعىزدى. تۋرنير كەستەسىندە گەرمانيالىق قۇراما نەبارى ءۇشىنشى ورىندى قاناعات تۇتىپ تۇر. اتالعان توپتاعى تاعى ءبىر كەزدەسۋدە يتاليا انگليانى 1:0 ەسەبىمەن ءسۇرىندىردى.

سونداي-اق، س ديۆيزيونى ءتورتىنشى توبىنداعى گرۋزيا الداعى ماۋسىمدا ۆ ليگاسىندا ويناۋعا مۇمكىندىك الدى. بۇل جاڭالىق ولاردىڭ ءوز الاڭىندا سولتۇستىك ماكەدونيانى 2:0 ەسەبىمەن جەڭگەننەن كەيىن بەلگىلى بولدى. اتالعان توپتا بولگاريا گيبرالتاردى 5:1 ەسەبىمەن تىزە بۇكتىردى.

اتالعان تۋرداعى ويىن ناتيجەلەرى تومەندەگىشە:

ا ديۆيزيونى. ءۇشىنشى توپ. گەرمانيا - ۆەنگريا 0:1، يتاليا - انگليا 1:0

ۆ ديۆيزيونى. ءۇشىنشى توپ. بوسنيا مەن گەرسوگوۆينا - چەرنوگوريا 1:0، فينليانديا - رۋمىنيا 1:1

س ديۆيزيونى. ءتورتىنشى توپ. گرۋزيا - سولتۇستىك ماكەدونيا 2:0، بولگاريا - گيبرالتار 5:1

D ديۆيزيونى. ەكىنشى توپ. ەستونيا - مالتا 2:1

ەندى بەسىنشى تۋر 24 قىركۇيەك كۇنى مارەسىنە جەتەدى.