الماتىدا قوعامدىق كولىكتە ءۇش قالتا ۇرىسى جۇرگەن، دەپ حابارلايدى Almaty-akshamy.kz Almaty.tv-گە سىلتەمە جاساپ.
ولار ازاماتتاردىڭ قالتاسىن قاققان. كۇدىكتىلەر №85 باعىتتاعى قوعامدىق كولىكتە جاسالعان قىلمىستان كەيىن ۇستالدى. سول جەردە جولاۋشىنىڭ قالتاسىنان قۇجاتتارى مەن اقشاسى سالىنعان ءامياندى سۋىرىپ العان.
"قازىرگى تاڭدا سوتقا دەيىنگى تەرگەۋ امالدارى ءجۇرىپ جاتىر. كۇدىكتىلەر – 1989 جىلى تۋعان ك.ەسىمدى ازاماتشا، 1989 جىلى تۋعان ۆ.ەسىمدى ازاماتشا جانە 2000 جىلعى ۆ.ەسىمدى ازاماتشا. ولار - الماتى وبلىسىنىڭ تۇرعىندارى. ءقازىر ۇستالعان ادامداردىڭ وسىعان ۇقساس باسقا دا قىلمىستارعا قاتىسى بار-جوعى انىقتالىپ جاتىر. اتالعان دەرەك بويىنشا قىلمىستىق ءىس سوتقا دەيىنگى تەرگەۋدىڭ ءبىرىڭعاي تىزىلىمىنە تىركەلدى"، – دەدى الماتى قالالىق پد كريمينالدىق پوليسيا باسقارماسىنىڭ باستىعى قۋاتبەك ناۋاتوۆ.
ءبىر قىزىعى ۇستالعان ءۇش ادامنىڭ ەكەۋى بۇرىن دا بىرنەشە رەت قالتا ۇرلىعى بويىنشا سوتتى بولعان، مۇمكىن بۇل ايەلدەردىڭ قوعامدىق كولىكتە جاساعان جالعىز ەپيزودى ەمەس شىعار.