فۋتبولدان قازاقستان بىرىنشىلىگى باستالدى

ونىنشى تۋر ويىندارى ەكى كۇنگە بەلگىلەنگەن

بۇگىن فۋتبولدان پرەمەر-ليگا كوماندالارى اراسىنداعى قازاقستان بىرىنشىلىگىنىڭ ونىنشى تۋرى باستالدى. بۇل تۋرالى Almaty-akshamy.kz حابارلايدى Baq.kz-كە سىلتەمە جاساپ.

ونىنشى تۋر ويىندارى ەكى كۇنگە بەلگىلەنگەن. الدىمەن 7 مامىردا ءتورت كەزدەسۋ وتسە، 8 مامىردا تاعى ءۇش ويىن بولادى. ماماندار اتالعان تۋرداعى باستى ويىن رەتىندە شىمكەنتتىك «ورداباسى» مەن ەلوردالىق «استانا» كوماندالارى اراسىنداعى كەزدەسۋدى اتايدى. توعىز تۋردان كەيىن 14 ۇپايمەن «استانا» ءۇشىنشى ورىندا تۇرسا، «ورداباسى» ءدال سونداي ۇپايمەن ازىرگە ءتورتىنشى ورىندا كەلەدى. كەزدەسۋ بۇگىن، 7 مامىردا ەلوردا ۋاقىتىمەن 18:00-دە باستالىپ، «Qazsport» تەلەارناسىنان تىكەلەي ەفيردە كورسەتىلەدى. 

ونىنشى تۋرداعى وزگە ويىندار كەستەسى تومەندەگىشە: 

7 مامىر 16.00. «قىزىلجار» (پەتروپاۆل) مەن «تاراز». «Qazsport» تەلەارناسىنان تىكەلەي ەفيردە كورسەتىلەدى. 

20.00. «قايرات» (الماتى) پەن «اتىراۋ». «Qazsport» تەلەارناسىنان تىكەلەي ەفيردە كورسەتىلەدى. 20.00. «توبىل» (قوستاناي) مەن «اقسۋ» (پاۆلودار وبلىسى) 

8 مامىر 15.00. «اقجايىق» (ورال) مەن «ماقتارال» (تۇركىستان وبلىسى). 

17.00. «كاسپيي» (اقتاۋ) مەن «اقتوبە». «Qazsport» تەلەارناسىنان تىكەلەي ەفيردە كورسەتىلەدى. 

19.00. «تۇران» (تۇركىستان) مەن «شاحتەر» (قاراعاندى). «Qazsport» تەلەارناسىنان تىكەلەي ەفيردە كورسەتىلەدى. تۋرنير كەستەسىندە «تاراز»، «كاسپيي» جانە «استانا» كوماندالارى كوش باستاپ كەلەدى.