فۋتبولدان كونفەرەنسيا ليگاسىندا «قىزىلجار» حورۆاتيالىق كلۋبتان جەڭىلدى

«استانا» سىرت الاڭدا «راكۋۆ» كومانداسىنا قارسى شىعادى

قازاقستاندىق «قىزىلجار» UEFA كونفەرەنسيا ەكىنشى ىرىكتەۋ ساتىسىنداعى العاشقى ويىنىن وتكىزدى، دەپ حابارلايدى Almaty-akshamy.kz قازاقپارات-قا سىلتەمە جاساپ. پەتروپاۆلدىق كوماندا ەلوردادا حورۆاتيانىڭ «وسيەك» كلۋبىن قابىلدادى. اتالعان كەزدەسۋدە پەتروپاۆلدىق كوماندا ءبىرىنشى كەزەڭدە شابۋىلعا كوبىرەك كوڭىل ءبولدى. دەگەنمەن مۇمكىندىگىن ءتيىمدى پايدالانا العان جوق. ءبىرىنشى كەزەڭدە تادلوداعى ەسەپ وزگەرىسسىز قالدى. ەكىنشى كەزەڭدە حورۆاتيالىق كلۋبتان ميحرەت توپچاگيچ 58، لاسلو كلياينحايسلەر 76-مينۋتتا مەرگەندىك تانىتتى. وعان 84-مينۋتتا حورۆاتيالىق داركو نەياشميچ 84-مينۋتتا ءوز قاقپاسىنا گول سوعىپ، اۆتوگولدىڭ اۆتورى اتاندى. وسىلايشا «قىزىلجار» قارسىلاسىنا 1:2 ەسەبىمەن جەڭىلىپ قالدى. قارىمتا كەزدەسۋ 28 شىلدەدە وتكىزىلەدى. ءدال ءقازىر اتالعان تۋرنيردە قازاقستاندىق «قايرات» ۆەنگريالىق «كيشۆاردا»، قوستانايلىق «توبىل» «لينكولن رەد يمپس» كومانداسىمەن قابىلدايدى. ويىننىڭ باستالۋى - ەلوردا ۋاقىتىمەن 19:50. العاشقى ويىن Qazaqstan، ەكىنشىسى Qazsport تەلەارناسىنان تىكەلەي ەفيردە كورسەتىلەدى. ال 00:50-دە ەلوردالىق «استانا» سىرت الاڭدا پولشالىق «راكۋۆ» كومانداسىنا قارسى شىعادى.