فۋتبولدان جولداستىق كەزدەسۋ: قازاقستان مەن باە قۇرامالارى كەزدەسەدى

ماچ ەرتەڭ استانا ۋاقىتىمەن 21:30-دا باستالادى.

فۋتبولدان قازاقستان ۇلتتىق قۇراماسى بىرىككەن اراب امىرلىكتەرىنىڭ استاناسىنا جەتىپ، كەزەكتى جولداستىق كەزدەسۋگە دايىندىقتى باستادى، دەپ حابارلايدى Almaty-akshamy.kz

حابار24 جازۋىنشا، ماگومەد ادييەۆ باپتايتىن جىگىتتەر بۇل جولى جەرگىلىكتى قۇرامامەن جولىعادى. ماچ ەرتەڭ ەلوردا ۋاقىتىمەن 21:30-دا باستالادى.

ايتا كەتەيىك، بىرىككەن اراب امىرلىكتەرىنىڭ فۋتبولشىلارى بۇعان دەيىن قاتارىنان 4 رەت جەڭىلىس تاپتى. اسىرەسە، ارگەنتينا قۇراماسىنان 5:0 ەسەبىمەن ۇتىلعان بولاتىن.

«ەندى الداعى ويىندا وسى ساتسىزدىكتەر سەرياسىن توقتاتۋعا تىرىسادى»، - دەيدى سپورت ماماندارى. بۇعان قوسا، بۇل ويىنعا ۇلتتىق قۇراما ساپىنداعى رامازان ورازوۆ قاتىسپايدى. ونىڭ وزبەكستانمەن بولعان ويىندا كوز جاراقاتىن العاندىعىن حابارلايدى وتاندىق فۋتبول فەدەراسياسى. قالعان جىگىتتەر بابىندا. ءتىپتى قۇراماعا باۋىرجان يسلامحان دا ورالدى. ول ەكى جىل بۇرىن دوپينگ داۋىنا بايلانىستى ۇلكەن سپورتتان شەتتەتىلگەن بولاتىن. باۋىرجان تاشكەنتتە وتكەن ماچتقا دا قاتىستى. ءبىراق مەرگەندىگىمەن كوزگە تۇسە المادى. قازاقستان مەن وزبەكستان اراسىنداعى ويىن 2:0 ەسەبىمەن اياقتالعان بولاتىن.