فۋتبولدان ءبىرىنشى ليگا كوماندالارى اراسىنداعى قازاقستان بىرىنشىلىگىنىڭ ون ەكىنشى تۋرى ويىندارى وتكىزىلدى، دەپ حابارلايدى Almaty-akshamy.kz Inform.kz-كە سىلتەمە جاساپ.
كوكشەتاۋدىڭ «وقجەتپەسى» ءوز الاڭىندا الماتىنىڭ «قايرات-جاستارىن» 3:2 ەسەبىمەن جەڭدى. ناتيجەسىندە 28 ۇپايمەن تۋرنير كەستەسىندە ءبىرىنشى ورىنعا كوتەرىلدى. بۇدان بۇرىن كوش باسىندا كەلە جاتقان قىزىلوردانىڭ «قايسارى» 26 ۇپايمەن ەكىنشى ورىنعا ىعىستى.
قىزىلوردالىق فۋتبولشىلار اتالعان تۋردا 29 ماۋسىمدا ءوز اداڭىندا ەلوردالىق «جەڭىستى» 2:0 ەسەبىمەن جەڭگەن ەدى. سول كۇنى تالدىقورعاندىق «جەتىسۋ» سىرت الاڭدا تۇركىستاندىق «ياسسى» كومانداسىنا 1:2 ەسەبىمەن جول بەردى. شىمكەنتتىك «قىران» ءوز الاڭىندا جامبىل وبلىسىنىڭ «تاراز-قاراتاۋ» كومانداسىن 3:0 ەسەبىمەن جەڭىپ، ۇزدىك ۇشتىكتى تۇيىندەپ تۇر.
سونداي-اق، «يگىلىك» (جامبىل وبلىسى) ءوز الاڭىندا «اكادەميا وڭتۇستىككە» 1:2 ەسەبىمەن جەڭىلسە، قاراعاندىلىق «شاحتەر-بولات» قىزىلوردالىق «بايقوڭىردى 4:1 ەلوردالىق «استانا-جاستار» «ەكىباستۇزدى» 3:0 ەسەبىمەن جەڭدى.
ەسكە سالساق، بۇدان بۇرىن ءبىرىنشى ليگادا «جەتىسۋ» «قايساردان» باسىم ءتۇستى.