بۇگىن، 17 شىلدەدە ەلوردادا «پرەزيدەنت كۋبوگى» ءداستۇرلى حالىقارالىق ءتۋرنيرى باستالادى. ۇلتتىق تەننيس ورتالىعىنىڭ جازدىق حارد كوردتارىندا ATP Challenger Tour جانە ITF Women's World Tennis Tour سەريالارىنىڭ حالىقارالىق ءتۋرنيرى وتەدى، دەپ حابارلايدى Almaty-akshamy.kz Inform.kz-كە سىلتەمە جاساپ.
قازاقستان تەننيس فەدەراسياسىنىڭ مالىمەتىنشە، كەشە ATP Challenger Tour سەرياسىنداعى ەرلەر ءتۋرنيرىنىڭ بىلىكتىلىك، جەكە جانە جۇپتىق باسەكەلەرىنە رەسمي جەرەبە تارتىلدى. نەگىزگى كەستەدە قازاقستاندىقتاردىڭ ىشىندە دميتريي پوپكو مەن جاڭا زەلانديا وكىلى رۋبين ستەتحەممەن، ميحايل كۋكۋشكين موناكالىق لۋكاس كاتارينمەن، ال تيموفەي سكاتوۆ بىلىكتىك سايىسىندا جەڭىسكە جەتكەن تەننيسشىمەن وينايدى. دەنيس ەۆسەيەۆ رەسەيلىك الىبەك كاچمازوۆپەن ب ا ق سىنايدى.
ۇيىمداستىرۋشىلاردان wild card العان تەننيسشىلەردىڭ دە قارسىلاستارى بەلگىلى. اتاپ ايتقاندا، گريگوريي لوماكين ۋكراينالىق يليا مارچەنكومەن، بەيبىت جۇكەيەۆ جاپوندىق يماي شيتارومەن كۇش سىناسسا، دوستانبەك تاشبۋلاتوۆ بىلىكتىك سىنىنان سۇرىنبەي وتكەن ويىنشىعا قارسىلاس بولادى. بىلىكتىلىك سىنىندا قازاقستاننىڭ ءتورت ويىنشىسى كورتقا شىعادى: ارسىلانبەك ايتقۇلوۆ ەستونيالىق دانييل گلينكامەن، يسلام ورىنباسار گرۋزيالىق زۋرا تاەمالادزەمەن، نيكيتا سيدوروۆ تاعى ءبىر گرۋزيالىق سابا پۋرتسەلادزەمەن، ال ماكسيم باتيۋتەنكو بەلارۋس يۆان ليۋتاريەۆيچمەن وينايدى.
جۇپتىق سىندا جەرەبە ناتيجەسى مىناداي: قازاقستاندىق گريگوريي لوماكين مەن زيمبابۆەلىك بەندجامين ليۋك جارىستى ەكىنشى اينالىمنان باستايدى. ارسىلانبەك ايتقۇلوۆ پەن ماكسيم باتيۋتەنكو دەنيس ەۆسەيەۆ (قازاقستان) پەن بەلارۋس يۆان ليۋتاريەۆيچپەن، بەيبىت جۇكەبايەۆ پەن رەسەيلىك يان بونداريەۆسكيي ەستونيالىق دانييل گلينكا جانە كارل ساارمەن، دميتريي پوپكا مەن يزرايلدىك دانيەل سۋككەرمان دوستانبەك تاشبۋلاتوۆ پەن ماكسيم شينامەن (وزبەكستان) كۇش سىناسادى.
ال ايەلدەر ءتۋرنيرىنىڭ جەرەبە تارتۋ ءراسىمى بۇگىن وتەدى.