قاتاردا ءوتىپ جاتقان فۋتبولدان 2022 جىلعى الەم چەمپيوناتىنىڭ ەكىنشى ويىن كۇنىندە نيدەرلاندى قۇراماسى سەنەگالدان باسىم ءتۇستى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ەكى قۇراما ا توبىندا سىنعا تۇسەدى. ماماندار ولاردى اتالعان توپتان پلەي-وفف ساتىسىنا بەرىلەتىن ەكى جولدامادان باستى ۇمىتكەر سانايدى.
بۇگىنگى كەزدەسۋ بارىسىندا ولاردىڭ دايىندىعى جاقسى ەكەنى اڭعارىلدى. قوس قۇراما تاراپىنان ءقاۋىپتى شابۋىلدار ءجيى كورىنىس بەردى. ويىن بارىسىندا جانكۇيەرلەر تارتىستى باسەكەنى تاماشالادى.
ويىننىڭ 84-مينۋتىندا نيدەرلاندىلىق كودي گاكپو ەسەپ اشسا، 96-مينۋتتا داۆي كلاسسەن قورىتىندى ەسەپتى بەلگىلەدى.
وسىلايشا نيلەرلاندى قۇراماسى قارسىلاسىنان 2:0 ەسەبىمەن باسىم ءتۇستى.
ەندى ا توبىنداعى ەكىنشى تۋردا 25 قاراشادا سەنەگال مەن قاتار، نيدەرلاندى مەن ەكۆادور قۇرامالارى كەزدەسەدى.
ەندى ۆ توبىندا تاعى ءبىر كەزدەسۋدى بۇگىن 01:00-دە اقش - ۋەلس ويىنىن «Qazsport» تەلەارناسىنان تاماشالاۋعا بولادى.
ەسكە سالساق، ا توبىنداعى ءبىر كەزدەسۋدە قاتار قۇراماسى ەكۆادوردان جەڭىلىپ قالدى.
سونداي-اق ۆ توبىنداعى العاشقى كەزدەسۋدە انگليا قۇراماسى يراننان 6:2 ەسەبىمەن باسىم ءتۇستى.