قازاقستان قۇراماسى ىرىكتەۋ ساتىسىندا D توبىندا سىنعا تۇسەدى.
بۇگىن، 9 قازاندا فۋتبولدان 2022 جىلعى الەم چەمپيوناتىنا ىرىكتەۋ ساتىسىندا قازاقستان قۇراماسى التىنشى ويىنىن ەلوردادا بوسنيا جانە گەرسوگوۆيناعا قارسى وتكىزەدى، دەپ حابارلايدى Almaty-akshamy.kz قازاقپارات-قا سىلتەمە جاساپ.
ويىن ەلوردا ۋاقىتىمەن 19:00-دە باستالىپ، «Qazsport» تەلەارناسىنان تىكەلەي ەفيردە كورسەتىلەدى. ايتا كەتسەك، بۇعان دەيىن ەكى قۇراما ءبىر مارتە شەبەرلىك بايقاستى. بيىل الەم چەمپيوناتى ىرىكتەۋ ساتىسىنداعى العاشقى ويىندا قۇرامالار 2:2 ەسەبىنە قاناعات ءبىلدىردى.
بوسنيا جانە گەرسوگۆينا بۇعان دەيىن الەم چەمپيوناتى فينالدىق ساتىسىندا 2014 جىلى ب ا ق سىنادى. F توبىندا ارگەنتينا، نيگەريا جانە يرانمەن شەبەرلىك بايقاسىپ، ءۇشىنشى ورىن الدى. ازىرگە ەۋروپا چەمپيوناتى فينالدىق ساتىسىندا ويناپ كورگەن ەمەس.
ايتا كەتەيىك، قازاقستاندىق قۇراما ىرىكتەۋ ساتىسىندا D توبىندا سىنعا تۇسەدى. قارسىلاستارى - فرانسيا، ۋكراينا، بوسنيا جانە گەرسوگوۆينا، فينليانديا.
قازاقستان قۇراماسى بۇعان دەيىن بەس ويىن وتكىزدى. ۇشەۋىندە تەڭ ناتيجە تىركەلىپ، ەكەۋىندە قارسىلاستارىنا ەسە جىبەردى. بۇل توپتا ءتورت ويىننان كەيىن 8 ۇپاي جيناعان فرانسيا كوش باسىندا كەلەدى. قازاقستان ءۇش ويىننان كەيىن 2 ۇپايمەن بەسىنشى ورىندا تۇر.