بۇگىن فۋتبولدان قازاقستان كۋبوگىنىڭ بەسىنشى تۋرىندا الماتىنىڭ «قايراتى» تالدىقورعاننىڭ «جەتىسۋىنان» باسىم ءتۇستى، دەپ حابارلايدى Almaty-akshamy.kz قازاقپارات-قا سىلتەمە جاساپ.
قازاقستان كۋبوگىنداعى بۇدان بۇرىنعى ويىنداردا الماتىلىق كلۋب جانكۇيەر سەنىمىنەن شىعا العان جوق. قاتارىنان ءۇش كەزدەسۋدە قارسىلاستارىنا ەسە جىبەرىپ الدى. ناتيجەسىندە تۋرنير كەستەسىندە سوڭعى ورىنداردى مىسە تۇتتى. سوندىقتان بۇگىنگى كەزدەسۋدە نەگىزگى قۇرامنىڭ ءبىرقاتار فۋتبولشىلارى العاشقى مينۋتتان جاسىل الاڭ تورىنەن كورىندى. ويىننىڭ 4، 18-مينۋتتارىندا شابۋىلشى ارتۋر شۋشەناچيەۆ قوس گولدىڭ اۆتورى اتانسا، رادە دۋگاليچ 61-مينۋتتا قورىتىندى ەسەپتى بەلگىلەدى. كەزدەسۋدە «قايرات» قارسىلاسىنان 3:0 ەسەبىمەن باسىم ءتۇستى.
بۇگىنگى تاعى ءبىر ويىندا قوستانايدىڭ «توبىلى» ءوز الاڭىندا «تارازدى» 2:1 ەسەبىمەن جەڭدى. وسىلايشا «قايرات» ساتسىزدىكتەر سەرياسىن توقتاتتى. اتالعان تۋردا 7 تامىزدا «قىزىلجار» سديۋسشور №8 كومانداسىن 3:2، «اقجايىق» «اقتوبەنى» 2:1 ەسەبىمەن جەڭسە، «ماقتارال» مەن «اتىراۋ» 1:1 ەسەبىمەن تەڭ ءتۇستى. ءدال ءقازىر «استانا» مەن «قايسار»، «تۇران» مەن «كاسپيي» كوماندالارى كەزدەسۋدە.