اۋىل شارۋاشىلىعى ۆيسە-مينيسترى ەرمەك كەنجەحان ۇلى Lidea فرانسۋز كومپانياسىنىڭ باس ديرەكتورى پول وليۆە، رەسەي جانە تمد ەلدەرى بويىنشا كوممەرسيالىق ديرەكتورى ديۋپون يانمەن كەزدەستى.
تاراپتار ءوزارا ءىس-قيمىلدى كەڭەيتۋ ماسەلەلەرىن تالقىلادى، دەپ حابارلايدى aqshamnews.kz اشم-گە سىلتەمە جاساپ.
ۆيسە-مينيستر قازىرگى ۋاقىتتا قازاقستان وسىمدىكتەردىڭ جاڭا سورتتارىن قورعاۋ جونىندەگى حالىقارالىق وداققا كىرۋ بويىنشا جۇمىس جۇرگىزىلىپ جاتقانىن جانە فرانسۋز دەلەگاسياسىنىڭ مۇشەلەرىن تۇقىم شارۋاشىلىعىن ىنتالاندىرۋعا باعىتتالعان مەملەكەتتىك قولداۋ شارالارى تۋرالى حاباردار ەتتى.
شارالاردىڭ قاتارىندا تۇقىمداردىڭ، مينەرالدى تىڭايتقىشتاردىڭ (ورگانيكالىق تىڭايتقىشتاردى قوسپاعاندا)، پەستيسيدتەردىڭ، بيواگەنتتەردىڭ (ەنتوموفاگتاردىڭ)، سۋ بەرۋ جونىندەگى قىزمەتتەردىڭ جانە ت. ب. قۇنىن ارزانداتۋ بار.
ءوز كەزەگىندە پول وليۆە كومپانيانىڭ قىزمەتى تۋرالى ايتىپ، گەنەتيكالىق ماتەريالدى ىرىكتەۋ جانە الماسۋ، تۇقىم ءوندىرۋ جانە وڭدەۋ بويىنشا زاماناۋي جانە وزىق تەحنولوگيالاردى قولدانۋ بويىنشا عىلىمي باعدارلامالاردى ىسكە اسىرۋ سالاسىنداعى ىنتىماقتاستىققا قىزىعۋشىلىق تانىتتى.
سونداي-اق، جەرگىلىكتى تۇقىم ءوندىرىسىن دامىتۋ ماسەلەسى قارالدى