الەن دەلون دۇنيەدەن ءوتتى.
فرانسۋزدىڭ الەمگە ايگىلى اكتەرى الەن دەلوننىڭ 88 جاسىندا قايتىس بولعانى تۋرالى اقپارات تارادى،دەپ حابارلايدى aqshamnews.kz AFP اگەنتتىگىنە سىلتەمە جاساپ.
اكتەر 88 جاستا ەدى. ونىڭ وتباسى ازىرگە ەشقانداي مالىمەت تاراتقان جوق.
وسىدان تۋرا ءبىر اي بۇرىن فرانسۋز كينوجۇلدىزىنىڭ قىزى انۋشكا دەلون اكەسىنىڭ اۋىر ناۋقاسقا شالدىققان سۋرەتتەرىن كورسەتكەن.
انۋشكادان باسقا الەن دەلوننىڭ ەكى ۇلى بار - ەنتوني جانە الەن-فابەن.
ماۋسىم ايىندا انۋشكا ءوزىنىڭ جەكە بلوگىندا اكەسىنە حابارلاسىپ، اسەرلى پوست جازىپ، اكەسىنىڭ قولىن سۇيگەن مۇراعاتتىق اق-قارا فوتوسۋرەتىمەن ءبولىستى.
الەن دەلوننىڭ ۇلى اكەسىنىڭ ەۆتانازيا تۋرالى ويلاپ جۇرگەنىن ايتتى. ال اكتەردىڭ ءوزى بۇل جايتتى قاراستىرىپ جاتقانىن مويىنداپ، ادامنىڭ جاسى كەلگەن سايىن «بۇل دۇنيەدەن اۋرۋحاناسىز جانە ينە سالماي-اق تىنىش كەتۋگە قۇقىعى بار» ەكەنىن ايتقان بولاتىن.