فرانسۋز عالىمى قازاقستان جايلى ماقالا جازدى

«قازاقستان الەمدىك دەڭگەيدەگى ماڭىزدى باسقوسۋلار ۇيىمداستىرۋ ارقىلى جاھاندىق سىن-قاتەرلەردى ەڭسەرۋدىڭ جولدارىن تابۋعا سەپتىگىن تيگىزۋدە».

فرانسۋز عالىمى وليۆە اريفون وسىلاي دەيدى. بەلگياداعى ليلل ۋنيۆەرسيتەتىنىڭ پروفەسسورى بيىل استانا ەكونوميكالىق فورۋمىنا قاتىسىپ، باسقوسۋدان العان اسەرى جايلى فرانسۋزدىڭ «تەلوس» ينتەللەكتۋالدى باسىلىمىنا كولەمدى ماقالا جاريالاعان، دەپ حابارلايدى Almaty-akshamy.kz Qazaqstan.tv-عا سىلتەمە جاساپ. 

عالىم زەرتتەۋىندە قازاقستاننىڭ جۇڭگو، ەۋروپالىق وداق، باسقا دا سەرىكتەستەرىمەن سىرتقى ساياساتتى ۇتىمدى جۇرگىزىپ وتىرعانىنا توقتالعان. گەوساياسي احۋالعا بايلانىستى «ترانسكاسپيي كولىك ءدالىزىنىڭ» ماڭىزدىلىعى ارتقانىن ايتادى. پروفەسسور بولاشاقتا قازاقستان جايلى تاعى دا زەرتتەۋ ماتەريالدارىن جازۋدى كوزدەپ وتىر.

«زەرتتەۋىمدە قازاقستان ديپلوماتياسىنا كەڭىرەك توقتالدىم. ەلدەرىڭىز ەشكىمگە ۇقسامايتىن وزىندىك جولىن ىزدەستىرۋدە. الەم كارتاسىندا ويىپ تۇرىپ ورىن العان قازاقستان كوپشىلىككە سەنىمدى سەرىكتەس رەتىندە جاقسى تانىس. دەموكراتيالىق دامۋعا بەت بۇرعان ەلدەرىڭىزدە پارلامەنتتىڭ ىقپالى كۇشەيگەنى قۋانتادى. قازاقستان ەۋرووداقپەن، قىتايمەن اراداعى ىنتىماقتى كۇشەيتە وتىرىپ، بارلىق سەرىكتەستەرمەن تەڭ دارەجەدە ديالوگ قۇرىپ وتىر»، - دەيدى زەرتتەۋشى، ليلل كاتوليك ۋنيۆەرسيتەتىنىڭ پروفەسسورى،وليۆە اريفون.