ءۇش جىلعا باس بوستاندىعىنان ايىرىلدى
ءپاريجدىڭ اپەللياسيالىق سوتى ەكس-پرەزيدەنت نيكوليا ساركوزيدى "تەلەفوندى تىڭداۋ ءىسى" بويىنشا ءبىر جىلعا باس بوستاندىعىنان ايىردى، دەپ حابارلايدى Almaty-akshamy.kz Tengrinews.kz-كە سىلتەمە جاساپ.
ساركوزي 2021 جىلى سىبايلاس جەمقورلىق، قۇپيا تەلەفون جەلىسىمەن تىڭداۋ ارەكەتتەرىن جاسادى دەپ ايىپتالىپ، ءۇش جىلعا باس بوستاندىعىنان ايىرىلدى، ونىڭ ەكى جىلى شارتتى تۇردە، ال قالعان ءبىر جىلىن ەلەكترون بىلەزىكپەن ءۇيقاماقتا وتەيدى.
تەرگەۋ مالىمەتىنشە، ساركوزي ادۆوكاتىنىڭ كومەگىمەن سۋديا جيلبەرت ازيبەرگە موناكو كنيازدىگىندە قىزمەتكە تۇرۋعا كومەكتەسۋگە ۋادە بەرگەن. دەگەنمەن، مامىلەنىڭ ءوزى تەگىن بولعان جوق. ماسەلەن، ساركوزي سۋديادان 2013 جىلى ونىڭ "سايلاۋ ناۋقانىن زاڭسىز قارجىلاندىرۋ" ءىسى بويىنشا تەرگەۋ بارىسى تۋرالى قۇپيا اقپارات سۇراعان.
دالەل رەتىندە تەرگەۋگە تىڭدالعان ءبىرشاما تەلەفوندار اكەلىندى. وسىدان كەيىن ساركوزيگە "تەلەفوندى تىڭداۋ ءىسى" بويىنشا ايىپ تاعىلدى. ايىپتاۋ قورىتىندىسى ساركوزي مەن ونىڭ بۇرىنعى ادۆوكاتى تەرري گەرسوگ اراسىنداعى اڭگىمەگە بايلانىستى انىقتالعان.
2022 جىلدىڭ 5 جەلتوقسانىندا بۇل ءىس بويىنشا اپەللياسيالىق سوت پروسەسى باستالدى. ساركوزيمەن بىرگە ونىڭ باسقا ايىپتالۋشىلارى ادۆوكات ەرزوگ پەن سۋديا ازيبەر دە اپپەلياسيالىق شاعىم ءتۇسىردى.