فرانسيادا ۇكىمەتتىڭ زەينەتكەرلىك جاسىن 62-دەن 64-كە كوتەرۋ تۋرالى شەشىمىنەن تۋىنداعان داعدارىس جالعاسىپ جاتىر. بەيسەنبىدەگى زەينەتاقى رەفورماسىنا قارسى نارازىلىق اكسيالارىنا بۇكىل ەل بويىنشا ميلليوننان استام ادام قاتىستى.
ەلدىڭ ءىىم مالىمەتتەرى بويىنشا، پاريجدە ءجۇز مىڭنان استام دەمونسترانت كوشەگە شىعىپ، پوليسيامەن قاقتىعىستار باستالدى. بوردودا مۋنيسيپاليتەت عيماراتىنىڭ ەسىگى ورتەندى، دەپ حابارلايدى اlmaty-akshamy.kz قازاقپارات سىلتەمە جاساپ.
ەل بويىنشا تارتىپسىزدىكتەرگە قاتىسى بار دەگەن ايىپپەن 80 ادام قاماۋعا الىندى، ونىڭ 33ء-ى پاريجدە. بۇل – فرانسيا پرەزيدەنتى ەممانۋەل ماكرون وتە قاجەت دەپ سانايتىن رەفورماعا قارسى دەمونستراسيالاردىڭ توعىزىنشى كۇنى. قاڭتاردا قاراۋعا ۇسىنىلىپ، وتكەن اپتادا پارلامەنتتىڭ داۋىسىنسىز ماقۇلدانعانعان زاڭ ەلدەگى جاعدايدىڭ شيەلەنىسۋىنە اكەلدى. ۇكىمەت شەشىمىنىڭ كۇشى سەنىمسىزدىك ۆوتۋمى ارقىلى عانا جويىلادى. ءبىراق، دۇيسەنبىدە ەل ۇكىمەتى پارلامەنتتە جاريالانعان سەنىمسىزدىك ۆوتۋمىن جەتى داۋىسپەن ەڭسەردى. فرانسيانىڭ باس كاسىپوداعى «جالپىعا ورتاق ەڭبەك كونفەدەراسياسى» (CGT) مالىمەتتەرى بويىنشا، بەيسەنبىدە پاريج كوشەلەرىندە 800 مىڭعا جۋىق ادام جينالدى. الايدا پوليسيا مالىمەتىنشە، نارازىلىق اكسياسىن 119 مىڭ ادام شىقتى.ءپاريجدىڭ كەيبىر اۋداندارىندا تارتىپسىزدىكتەر جاسالدى. شەرۋشىلەردىڭ شاعىن توپتارى پوليسياعا تاس لاقتىرىپ، وتشاشۋ جاقتى، ءتارتىپ ساقشىلارى كوزدەن جاس اعىزاتىن گاز قولداندى.باستيليا الاڭىنان پاريج وپەراسىنىڭ عيماراتىنا دەيىنگى شەرۋ باعىتىنداعى دۇكەندەر، مەيرامحانالار جانە باسقا دا مەكەمەلەر ساقتىق ماقساتىندا الدىن الا قورشالدى. جول بويىندا پوليسيا قىزمەتكەرلەرى كوپ بولدى. بارلىعى بەس مىڭعا جۋىق ءتارتىپ ساقشىسى جۇمىلدىرىلدى.مۇنداي شەرۋلەر فرانسيانىڭ باسقا قالالارىندا دا ءوتتى. ەلدىڭ باتىسىنداعى نانت قالاسىندا دا نارازىلىق بىلدىرۋشىلەر پوليسيا قىزمەتكەرلەرىنە قاتتى زاتتار لاقتىرىپ، قوقىس جاشىكتەرىن ورتەۋگە كىرىسكەندە پوليسيا كوزدەن جاس اعىزاتىن گاز شاشتى. رەندە سۋ شاشاتىن قۇرىلعىلار پايدالانىلدى. نيسسادا شەرۋشىلەر اۋەجاي عيماراتى ماڭىندا بلوكادا جاسادى. بوردودا قالالىق اكىمدىكتىڭ ەسىكتەرى ورتەنگەنى حابارلاندى. ولاردى كىم جانە قالاي ورتەگەنى ءالى بەلگىسىز. ءورت جىلدام ءسوندىرىلدى. كاسىپوداقتار نارازىلىق اكسيالارى ءساتتى ءوتىپ جاتىر دەپ ەسەپتەيدى، ويتكەنى ەل تۇرعىندارى پرەزيدەنت ماكرون مەن ۇكىمەتكە ءوز ويلارىن بىلدىرە الدى. ولار حالىقتى 28 ناۋرىزدا قايتادان كوشەگە شىعۋعا شاقىردى.