ادەپ كودەكسىنىڭ باستى ماقساتى سىبايلاس جەمقورلىقتىڭ الدىن الۋعا جانە قىزمەتتىك ادەپ نورمالارىن بۇزۋشىلىقتاردىڭ، دالىرەك ايتقاندا مەملەكەتتىك قىزمەتكە نۇقسان كەلتىرەتىن تارتىپتىك تەرىس قىلىقتاردى الدىن الۋعا ارنالعان ءىس-قيمىلداردى جاساۋ، مەملەكەتتىك قىزمەتشىلەردىڭ ادەپ كودەكسىن ساقتاۋداعى جاۋاپتىلىق دەڭگەيىن كوتەرۋدى ۇيلەستىرۋگە بايلانىستى ءىس-شارالاردى قابىلداۋ جانە مەملەكەتتىك ورگانداردىڭ ادەپ جونىندەگى كوميسسيالارىمەن ءوزارا ءىس-قيمىل بويىنشا ۇسىنىمداردى جانە ۇسىنىستاردى ازىرلەۋ بولىپ تابىلادى.
مەملەكەتتىك قىزمەتكەر – بۇل مەملەكەتىمىزدىڭ بەينەسى جانە ايناسى بولىپ تابىلادى دەپ ايتساق تا ارتىق ەمەس. سوعان بايلانىستى، مەملەكەتتىك قىزمەتكەر - مەملەكەتتىڭ ءوسۋى مەن وركەندەۋى ونىڭ ەڭبەگىنىڭ ناتيجەسى ەكەنىن ۇمىتپاۋى ءتيىس. مەملەكەتتىك قىزمەتكەر دەگەن بيىك دارەجەگە جەتۋ جانە سول دارەجەگە كىر كەلتىرمەي ۇستاپ ءوتۋ - ءار ازاماتتىڭ باستى مىندەتى. تەك بىرىگىپ ەڭبەك ەتۋ جانە مەملەكەتتىك قىزمەتكەرلىك ەتيكانى ورىنداۋ ارقىلى عانا ءبىز وسىنداي بيىك جەتىستىكتەر مەن دەڭگەيلەرگە جەتە الامىز.
مەملەكەتتىك قىزمەتكەر ءۇشىن نەگىزگى قابىلدانعان ادەپ نورمالارىن ساقتاۋ - وتە باستى ماسەلە، ويتكەنى ول قىزمەت بارىسىندا تىكەلەي قوعاممەن جۇمىس جۇرگىزەدى جانە ءارتۇرلى تۇلعالارمەن ۇنەمى بايلانىستا بولادى. سونىمەن قاتار، مەملەكەتتىك قىزمەتكەردىڭ سىرتقى بەينەسى، كيىم ۇلگىسى، ءىس ارەكەتى، سويلەۋ مانەرى، وي-پىكىرى، جەكە قاسيەتتەرى - بارلىعى دا ادامعا نۇقسان كەلتىرمەيتىندەي قىزمەت ەتۋ كەرەك. وسى اتالعانداردىڭ بارلىعىن ساقتاۋ ءۇشىن ەتيكەتتىڭ پرينسيپتەرىن ۇستانۋ كەرەك.
مەملەكەتتىك قىزمەتشى جان-جاقتى دامىعان تۇلعا بولۋى ءتيىس، ۇنەمى سالاۋاتتى ءومىر سالتىن ۇستانۋى جانە وتباسى قۇندىلىقتارىن ناسيحاتتاۋى قاجەت. بۇدان باسقا، جۇمىستان تىس ۋاقىتتا ءوزىن رۋحاني دامىتۋعا دا كوڭىل ءبولۋى قاجەت.
بۇل رەتتە، ادامنىڭ ار-نامىسىنا ءتىل تيگىزۋ، زاڭنامانى بۇزۋ، قورشاعان ادامداردىڭ ءتارتىبى مەن قاۋىپسىزدىگىنە قول سۇعۋ سىندى ادامگەرشىلىككە جاتپايتىن قىلىقتارعا جول بەرمەۋ كەرەك. جۇمىستان تىس ۋاقىتتا مەملەكەتتىك قىزمەتشى بەدەلىن تۇسىرەتىن جانە قوعام تاراپىنان سىن مەن ايىپتاۋ تۋدىراتىن جاعداياتتاردان اۋلاق بولۋى قاجەت.