فرانسيادا قازاقستاننىڭ تاۋەلسىزدىك كۇنىنە ارنالعان كونسەرت ءوتتى

پاريج قالاسىندا ەلىمىزدىڭ ەگەمەندىگىنە وراي كونسەرت ۇيىمداستىرىلدى

پاريجدە قازاقستاندىق مۋزىكالىق مادەنيەتتىڭ وزىق ۇلگىلەرىن پاش ەتكەن «FORTE-TRIO» ۇجىمىنا فرانسۋز جۇرتشىلىعى زور قوشەمەت كورسەتتى، دەپ حابارلايدى Almaty-akshamy.kz.

شەتەلدىك كورەرمەندەردى تامساندىرعان «FORTE-TRIO» مەملەكەتتىك تريوسىنىڭ بۇل كونسەرتى قازاقستان تاۋەلسىزدىگىنىڭ 30 جىلدىق مەرەيتويىنا ارنالعان حالىقارالىق گاسترولدەر اياسىندا ءوتتى.

قازاقستاندىق ارتىستەر پاريج تورىندە ورنالاسقان ايگىلى سortot زالىندا ونەر كورسەتتى. عاسىرعا جۋىق تاريحى بار، اكۋستيكاسى ەرەكشە بۇل كونسەرتتىك زالدى الەمدىك كلاسسيكالىق ونەردىڭ جارىق جۇلدىزدارى ەرەكشە باعالايدى.

FORTE-TRIO كونسەرتى تۋرالى وسىدان ءبىراز ۋاقىت بۇرىن سortot زالىنىڭ سايتىندا جاريالانعان افيشا كورەرمەن نازارىنا بىردەن ىلىكتى. تريونىڭ شەبەرلىگى قازاقستاندىق ارتىستەردىڭ ونەرىن تاماشالاۋدى اسىعا كۇتكەن كورەرمەندەردىڭ كوڭىلىنەن شىقتى.

تريو ارتىستەرى – قازاقستاننىڭ ەڭبەك سىڭىرگەن قايراتكەرى، ۇجىمنىڭ نەگىزىن قالاۋشى تيمۋر ۋرمانچەيەۆ (فورتەپيانو)، حالىقارالىق بايقاۋلاردىڭ لاۋرەاتتارى مۇرات ناربەكوۆ (ۆيولونچەل) پەن شولپان مانكەيەۆا (سكريپكا) وتاندىق مۋزىكالىق ونەردى جوعارى دەڭگەيدە كورسەتە ءبىلدى.