سايلاۋشىلار تىزىمىنە 48،7 ملن فرانسۋز تىركەلگەن
فرانسۋزدار ەكىنشى تۋرعا وتكەن ەكى ۇمىتكەر - قازىرگى پرەزيدەنت ەممانۋەل ماكرون مەن پارلامەنت دەپۋتاتى مارين لە پەندى تاڭدايدى، دەپ حابارلايدى Almaty-akshamy.kz Zakon.kz-كە سىلتەمە جاساپ.
جەكسەنبىدە فرانسيادا پرەزيدەنتتىك سايلاۋدىڭ ەكىنشى تۋرىندا داۋىس بەرۋ باستالدى. ەلدىڭ بارلىق اۋماعىندا پاريج ۋاقىتى بويىنشا ساعات 08:00-دە (نۇر-سۇلتان ۋاقىتى بويىنشا 12:00-دە) 70 مىڭ سايلاۋ ۋچاسكەسى اشىلدى.
سايلاۋشىلار تىزىمىنە 48،7 ملن فرانسۋز تىركەلگەن. فرانسيانىڭ كوپتەگەن كوممۋنالارىندا جەرگىلىكتى ۋاقىت بويىنشا 19:00-گە دەيىن (نۇر-سۇلتان ۋاقىتىمەن 23:00-گە دەيىن) تۇرعىندار داۋىس بەرە الادى. پاريج، ليلل، بوردو، مارسەل، تۋلۋزا سياقتى ءىرى قالالاردا داۋىس بەرۋ ءبىر ساعات كەش اياقتالادى – جەرگىلىكتى ۋاقىت بويىنشا 20:00-دە (نۇر-سۇلتان ۋاقىتى بويىنشا 00:00).
فرانسۋزدار ەكىنشى تۋرعا وتكەن ەكى ۇمىتكەرلەرگە داۋىس بەرەدى.
ونىڭ ءبىرى - 2017 جىلى سايلانعان فرانسيا پرەزيدەنتى ەممانۋەل ماكرون ءوزى قۇرعان "رەسپۋبليكا شەرۋى" قوزعالىسىنىڭ قولداۋىمەن ەكىنشى مەرزىمگە سايلاۋعا ۇسىنىلىپ وتىر. ونىڭ قارسىلاسى، پارلامەنت دەپۋتاتى مارين لە پەندى "ۇلتتىق بىرلەستىك" پارتياسى ۇسىنعان.
قارسىلاستار ەكىنشى تۋردا ەكىنشى رەت دوداعا تۇسەدى: 2017 جىلى ماكرون سايلاۋ قورىتىندىسى بويىنشا 66،1% داۋىس العان ەدى، ول كەزدە لە پەن 33،9% داۋىسپەن ەكىنشى بولعان.
ساراپشىلار سايلاۋشىلاردىڭ بەلسەندىلىك دەڭگەيى سوڭعى ونجىلدىقتارداعى ەڭ تومەنى بولۋى مۇمكىن دەپ قورقادى. ويتكەنى ءبىرىنشى تۋردا 10 ساۋىردە ماكرون 27،84%، لە پەن 23،15% داۋىس قانا الدى.
داۋىس بەرۋدىڭ العاشقى الدىن-الا ناتيجەلەرى بۇكىل ەل بويىنشا سايلاۋ ۋچاسكەلەرى جابىلعاننان كەيىن عانا جاريا ەتىلەدى.