ەكى استانالىق سپورتشى التىنشى دۇنيەجۇزىلىك «ۆيرتۋس» ويىندارىنا قاتىسىپ جاتىر، دەپ حابارلايدى Almaty-akshamy.kz.
24.kz مالىمەتى بويىنشا، ولار - داستان ورداباي مەن ءامىر الپامىس. ينتەللەكتۋالدى دامۋ ەرەكشەلىكتەرى بار ادامدارعا ارنالعان جارىس فرانسيانىڭ ۆيشي قالاسىندا جالاۋىن كوتەردى. 60 ەلدەن كەلگەن مىڭ سپورتشى سايىستىڭ 13 ءتۇرى بويىنشا سىنعا تۇسەدى. قازاقستاندىق قوس ورەن ءجۇزۋ مەن ۆەلوجارىسقا قاتىسادى. جەڭىل اتلەتيكا، ءجۇزۋ جانە ۇستەل تەننيسىنەن ۇزدىك تانىلعاندار 2024 جىلى پاريجدە وتەتىن جازعى پاراليمپيادا ويىندارىنا تىكەلەي جولداما الادى. جالپى سپورتشىلارىمىزدىڭ بۇل ويىندارعا قاتىسۋى ەلىمىزدىڭ «زياتكەرلىك دامۋ ەرەكشەلىكتەرى بار تۇلعالارعا ارنالعان سپورت فەدەراسياسىنىڭ» حالىقارالىق اكرەديتتەۋدەن، ءوتۋ شەڭبەرىندە جۇزەگە استى. قازاقستان بۇل فەدەراسياعا بيىل ناۋرىز ايىندا مۇشەلىككە ءوتتى. ۇيىمعا الەمنىڭ 90-نان اسا ەلى كىرەدى.