فۋتبولدان 2024 جىلعى ەۋروپا چەمپيوناتىنىڭ 1/8 فينالىندا فرانسيا بەلگيانى 1:0 ەسەبىمەن جەڭدى، دەپ حابارلايدى اlmaty-akshamy.kz.
وسىلايشا ديدە دەشام شاكىرتتەرى شيرەك فينالعا شىعىپ وتىر. اتالعان ماچتىڭ 85-مينۋتىنا دەيىن ەسەپ اشىلمادى. تەك كەزدەسۋدىڭ سوڭعى جاعىندا فرانسيا كومانداسى بەلسەندى قيمىلىنىڭ ارقاسىندا كوزدەگەندەرىنە جەتتى. اتاپ ايتقاندا، كولا ءمۋانيدىڭ تەپكەن دوبى بەلگيالىق قورعاۋشى يان ۆەرتونگەنگە ءتيىپ، قاقپاعا دارىدى. بۇدان كەيىن ەسەپ وزگەرمەدى.
جالپى، ەۋروپا چەمپيوناتى باستالعالى بەرى فرانسيا 4 ويىندا 3 گول سالىپ، شيرەك فينالعا شىقتى. ول 3 گولدىڭ ەكەۋى اۆتوگول بىرەۋى پەنالتيدەن سوعىلدى.
ەندى دەشام شاكىرتتەرى پورتۋگاليامەن كەزدەسەتىن بولادى.