الماتىنىڭ مەدەۋ اۋدانىنىڭ پوليسەيلەرى فرانسيا ازاماتىنىڭ جوعالعان پلانشەتىن تاۋىپ بەردى.
شتەلدىك قوناقتار گادجەتتى تاكسيدە قالدىرىپ كەتكەن ەكەن، دەپ حابارلايدى almaty-akshamy.kz Polisia.kz-كە سىلتەمە جاساپ.
"پوليسيا قىزمەتكەرلەرى ءبىزدىڭ ماسەلەمىزگە بىردەن كىرىستى. ولار جوعالتىپ العان زاتىمىزدى بىرنەشە ساعات ىشىندە تاپتى. ءبىز الماتىعا قوناققا كەلدىك. قالانى تاكسيمەن ارالادىق. ءبىر كەزدە مەن پلانشەتىمنىڭ جوق ەكەنىن بايقادىم. بەينەباقىلاۋ كامەرالارىنان كولىكتىڭ ماركاسى مەن ءنومىرىن انىقتاعان پوليسەيلەر جۇرگىزۋشىنىڭ كىم ەكەنىن انىقتاپ، ونىمەن حابارلاسىپ، گادجەتتىڭ يەسى تابىلعانى جونىندە ايتتى. پوليسيا قىزمەتكەرلەرىنىڭ كاسىبي جانە ادامي قاسيەتتەرىن اتاپ وتكىم كەلەدى. پلانشەتتى قايتارۋعا كومەكتەسكەندەرى ءۇشىن كوپ راقمەت. بىزدە قازاقستان جايىندا، اسىرەسە الماتىعا قاتىستى جاقسى ءارى جارقىن ەموسيالار قالدى"، – دەدى شەتەلدىك قوناقتار.