وسى جىلدىڭ 20 شىلدەسىندە الماتى وبلىسى پوليسيا دەپارتامەنتى ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى الاياقتىق جاساعان قىلمىستىق توپتىڭ مۇشەسىن ۇستادى.
قازىرگى ۋاقىتتا قىلمىستىق فاكت وبلىستىق پوليسيادا تىركەلىپ، تەرگەۋ جۇرگىزىلىپ جاتىر، دەپ حابارلايدى almaty-akshamy.kz Polisia.kz-كە سىلتەمە جاساپ.
بۇعان دەيىن الماتى وبلىسى پد جەدەل ۋاكىلدەرىنە كاسىپكەرلىك قىزمەتپەن اينالىساتىن 45 جاستاعى جەرگىلىكتى تۇرعىننان الداۋ ارقىلى بەلگىسىز ەر ادامنىڭ 20 ملن تەڭگە كولەمىندە اقشا قاراجاتىن يەمدەنگەنى تۋرالى اقپارات كەلىپ تۇسكەن بولاتىن. الماتى وبلىسى پد ۇققكب قىزمەتكەرلەرى جەدەل-ىزدەستىرۋ ءىس-شاراسىن وتكىزدى، ناتيجەسىندە جامبىل اۋدانى ۇزىناعاش اۋىلىندا ءتارتىپ ساقشىلارى قىلمىستىق توپتىڭ مۇشەسى بولاتىن 48 جاستاعى كۇدىكتىنى ۇستادى. قازىرگى ۋاقىتتا تەرگەۋدىڭ تولىقتىعىن قامتاماسىز ەتۋ ءۇشىن بارلىق قاجەتتى تەرگەۋ ارەكەتتەرى جۇرگىزىلۋدە. ۇستالعان ادام باسقا دا وسىعان ۇقساس قىلمىستارعا قاتىستىلىعى تەكسەرىلىپ، قاماۋعا الىندى.