قوقىس جيناۋشىلار مەن ورتەيتىن زاۋىتتاردىڭ جۇمىسشىلارى ەرەۋىلگە شىقتى.
پاريج كوشەلەرى بىرنەشە كۇن بويى ازىق-تۇلىك جانە باسقا دا قالدىقتارعا تولدى. قوقىس جاشىكتەرىن دە ەشكىم تازالاماي جاتىر، - دەپ حابارلايدى اlmaty-akshamy.kz Azattyq Ruhy-نا سىلتەمە جاساپ.
مۇنىڭ سەبەبى - قوقىس جيناۋشىلار مەن ورتەيتىن زاۋىتتاردىڭ جۇمىسشىلارى ەرەۋىلگە شىقتى. ولار زەينەتكەرلىككە شىعۋدىڭ ەڭ تومەنگى جاسىن 62 جاستان 64 جاسقا دەيىن كوتەرۋدى كوزدەيتىن زەينەتاقى جۇيەسىن رەفورمالاۋعا قارسى.
«7ء-شى كۇن قوقىس شىعارىلمادى. ول ساسىپ، ءشىرىپ جاتىر. پاريج مەرياسى توتەنشە شارا، ءتىپتى ءىشىنارا شارا قابىلداپ جاتقان جوق. بۇل - قالا تۇرعىندارىن قۇرمەتتەمەۋگە جاتادى»، - دەپ جازدى كولىك ءمينيسترىنىڭ ورىنباسارى كلەمەنت بون.
جەرگىلىكتى تۇرعىندار، تۋريستەر كوشەدە ەگەۋقۇيرىقتار مەن تىشقانداردىڭ پايدا بولۋىنا، جاعىمسىز يىسكە شاعىمدانادى. مەيرامحانالار مەن سۋپەرماركەتتەردىڭ يەلەرى انتيسانيتاريالىق جاعدايعا الاڭدايدى.
بيلىك قوقىس جيناۋعا جەكە كومپانيالاردى تارتۋ ارقىلى ماسەلەنى شەشۋگە تىرىسىپ جاتقانىن ايتادى.