Fitch Ratings حالىقارالىق رەيتينگتىك اگەنتتىگى «الماتى» الەۋمەتتىك-كاسىپكەرلىك كورپوراسياسى» اق ەميتەنت دەفولتىنىڭ ۇزاق مەرزىمدى رەيتينگتەرىن ("ردە") شەتەلدىك جانە ۇلتتىق ۆاليۋتادا "BBB -" دەڭگەيىندە راستادى، بولجام "تۇراقتى".
نەگىزگى وڭىرلىك دامۋ ينستيتۋتى بولىپ تابىلاتىن الماتى اكك-نىڭ ماڭىزدى قوعامدىق ميسسياسىن، نازارعا الا وتىرىپ، Fitch اگەنتتىگىنىڭ تالداۋشىلارى الماتى اكك-عا «BBB-» دەڭگەيىندە رەيتينگ بەردى.
رەيتينگتىك اگەنتتىكتىڭ رەسمي سايتىندا ۇسىنىلعان اقپاراتقا سايكەس، الماتى اكك الەۋمەتتىك جوبالاردى ىسكە اسىرۋ، شاعىن جانە ورتا بيزنەستى قولداۋ جانە ىنتالاندىرۋ، ەسكى تۇرعىن ۇيلەردى جاڭارتۋ جانە ازىق-تۇلىك قاۋىپسىزدىگىن قامتاماسىز ەتۋ ارقىلى قالانىڭ تۇراقتى الەۋمەتتىك-ەكونوميكالىق دامۋىنا ىقپال ەتەتىن ورنىقتى بيزنەس-قۇرىلىم بولىپ تابىلادى.
كومپانيانىڭ قىزمەتىن تالداي وتىرىپ، الماتى قالاسىنىڭ اكىمدىگى كورپوراسيانىڭ جالعىز اكسيونەرى بولىپ تابىلاتىندىقتان Fitch الماتى اكك مەملەكەتپەن بايلانىستى كومپانيالاردى رەيتينگىلەۋ ءادىسناماسى نەگىزىندە باعالايدى.
قازىرگى ۋاقىتتا، الماتى اكك-نىڭ 2025 جىلعا دەيىنگى دامۋ باعدارلاماسىنىڭ تۇجىرىمداماسى اياسىندا كورپوراسيا بيزنەستى قولدايتىن، قالانىڭ باسىم الەۋمەتتىك-ماڭىزدى جانە ينۆەستيسيالىق جوبالارىن ىسكە اسىراتىن قالانى دامىتۋدىڭ نەگىزگى ينستيتۋتى بولىپ تابىلادى.
«BBB-» رەيتينگى – بۇل قاناعاتتانارلىق كرەديتتىك قابىلەتتەردى، قازىرگى ۋاقىتتا كرەديتتىك تاۋەكەلدەر بويىنشا تومەن كۇتۋلەردى، قارجىلىق مىندەتتەمەلەردى ۋاقتىلى وتەۋدىڭ وڭ قابىلەتىن بىلدىرەتىن ينۆەستيسيالىق سانات.
الماتى ق. اكك باسپا ءسوز قىزمەتى