ءبىرقاقپايلار
***
– كۇشتى ەرىك-جىگەر دەگەنىمىز نە؟
– ەگەر ايەلىڭىز تەلەفون ارقىلى بىرەۋمەن ەكى ساعات سويلەسكەننەن كەيىن دە ءسىز «ول كىم سونشا؟» دەپ سۇراماۋعا شىداساڭىز، ەرىك-جىگەردىڭ كۇشتىلىگى دەگەنىمىز سول...
***
مادوننا مەن بيلل گەيتس جولىعىپ قالسا كەرەك.
– مەنىڭ داۋلەتىمنىڭ كوپتىگى سونشا، ءتىپتى الەمنىڭ ءوزىن ساتىپ الا الامىن، – دەپ ماقتانىپتى مادوننا.
سوندا گەيتس:
– ال مەن ونى ساتادى دەپ كىم ايتتى؟ – دەپتى.
***
– مىنا ءبىر كىسى، جارتى ساعات بولدى، ماشينەنىڭ الدىنا ءتۇسىپ اپ قاشىپ كەلەدى: جىندى عوي دەيمىن ءوزى، – دەيدى رۋلدەگى ايەلى.
– اقىماق، تروتۋاردان شىعىپ، ۇلكەن جولعا تۇسسەڭشى! – دەپتى سوندا جانىندا وتىرعان كۇيەۋى.
***
كىشكەنتاي ماسا شەشەسىنەن سۇراپتى:
– اپا، مەن ۇشسام بولا ما؟
– اجالىڭا اسىقپاي، وتىر تىنىش!
– قىزىقسىز، ادامدارعا مەنىڭ ۇشقانىم قاتتى ۇنايدى.
– ونى كىم ايتتى؟
– كەشە تۇندە ولاردىڭ ءبارى ماعان شاپالاق ۇردى عوي!
***
تاسباقا قۇمدى دالامەن جورعالاپ كەلە جاتسا، الدىنان تۇيە شىعىپتى.
– كوكتايعاق بولىپ جاتىر ما، نەمەنە؟ – دەپ سۇراپتى تاسباقا تۇيەدەن.
– جوعا.
– وندا نەگە جولعا كوپ قۇم سەۋىپ تاستاعانسىڭدار؟
* * *
كافەدە قوس عاشىق ءبىرىن-بىرىن كوزبەن ىشىپ-جەپ وتىر.
– سەن مەنىڭ ءتاتتى شوكولادىمسىڭ، تۇك قالدىرماي جەپ قويايىن با وسى... – دەپ ەمىرەنەدى جىگىت.
– مەنىڭ دە سەنى جەپ قويعىم كەلىپ وتىر، – دەيدى قىز.
ولاردىڭ اڭگىمەسىن بولگىسى كەلمەي ءبىراز تۇرعان داياشى ءسال جوتكىرىنىپ الىپ:
– سوڭىنان نە ىشەسىزدەر؟ – دەپتى.
* * *
ءبىر جاس جازۋشى گازەت رەداكسياسىنا ءوزىنىڭ اڭگىمەسىن اكەپ تاستايدى. ارادا ءبىراز ۋاقىت وتكەننەن كەيىن باس رەداكتورعا كەلىپ، ول:
– نە دەگەن ماسقارا! ءبىر ەمەس، ەكى اي ءوتتى، نەگە باسپايسىز اڭگىمەمدى؟ كىم كورىنگەننىڭ شيماي-شاتپاعى شىعىپ جاتقان جوق پا؟! – دەپ شاپتىعادى.
– وسى كۇنگى جاستارعا تاڭ قالامىن: قانداي شىدامسىزسىڭدار؟ – دەپتى سوندا باس رەداكتور. – اسىعاتىن نە بار، كۇتسەڭشى!
– قاشانعى كۇتەم؟
– ونى مەن قايدان بىلەيىن؟ ماسەلەن، فيردوۋسي ءوز «شاحناماسىنىڭ» جارىق كورۋىن مىڭ جىل كۇتكەن!..
* * *
– بالام-اي، دۇكەننەن تەز ءسۇت اكەلە قويشى!
– كامپيت بەرمەسەڭىز، بارمايمىن!
– بارماساڭ، ينتەرنەتتى ءوشىرىپ تاستايمىن!
– بولدى، اپا، مىنە، ۇشتىم!
* * *
Domestos جارناماسىنىڭ ارقاسىندا ميكروبتاردىڭ ءتۇرىن تۇگەل تانىپ الاتىن بولدىق...