فينليانديا ەنەرگيالىق قاۋىپسىزدىكتى قامتاماسىز ەتۋ جانە كليمات وزگەرىسىمەن كۇرەسۋ ماقساتىندا اتومدىق ەنەرگيانى باسىم باعىت رەتىندە تاڭداعان ەل. ەۋروپاداعى ەڭ قۋاتتى اتوم ەلەكتر ستانسياسى دا وسى ەلدە ورنالاسقان.
فينلياندياداعى ەۋروپا بويىنشا ەڭ قۋاتتى اتوم رەاكتورى ءساۋىر ايىندا پايدالانۋعا بەرىلدى. جاقىندا وسى ەلدە يادرولىق وتىن قالدىقتارىن ساقتايتىن الەمدەگى تۇڭعىش گەولوگيالىق ساقتاۋ بازاسى ىسكە قوسىلماق.
يادرولىق وتىن قالدىقتارىن ساقتايتىن قويما جەردەن جارتى شاقىرىم تەرەڭدىكتە ورنالاسقان. ياعني، فينليانديانىڭ باتىس تەڭىز جاعالاۋىنداعى تابيعي جىنىستاردىڭ استىندا 433 مەتر تەرەڭدىكتە سالىنعان. وعان جەتۋ ءۇشىن 50 شاقىرىمنان استام تۋننەل قازىلعان. قۇرىلىستى اياقتاۋعا 20 جىل ۋاقىت جۇمسالعان.
- يادرولىق وتىن قالدىقتارىن ساقتاۋعا گەولوگتار بۇل ورىندى ارنايى تاڭداعان. سەبەبى، جەر استىنداعى بۇل تابيعي ورىن كەم دەگەندە 2 ميلليارد جىلدان بەرى تۇراقتىلىعىن ساقتاپ كەلەدى. عالىمداردىڭ پىكىرىنشە، 100 مىڭداعان جىل ساقتاۋعا ءتيىس يادرولىق وتىندار ءۇشىن بۇنداي تابيعي ورتا وتە قولايلى.
- فينليانديا ەۋروپادا اتوم ەلەكتر ستانسيالارىن قولدانۋشى ەلدەردىڭ ءبىرى. ساۋىردە عانا ەلدە ەۋروپا بويىنشا ەڭ قۋاتتى يادرولىق رەاكتور ىسكە قوسىلدى. سونىمەن بىرگە، فينليانديا جاقىندا يادرولىق وتىن قالدىقتارىن ساقتاۋشى گەولوگيالىق قۇرىلىسىن دا اياقتاۋ الدىندا تۇر.
- فينليانديادا پايدالانىلعالى وتىرعان بۇل يادرولىق وتىن قالدىقتارىن ساقتاۋ بازاسى الەمدە العاش رەت ىسكە قوسىلعالى وتىرعان گەولوگيالىق بازا بولماق. قۇرىلىستى اياقتاۋعا 20 جىل ۋاقىت جۇمسالعان.
فينليانديادا ءقازىر 5 اتوم ەلەكتر ستانسياسى جۇمىس ىستەپ تۇر. ەل حالقىنىڭ باسىم بولىگى اتوم ەنەرگياسىن پايدالانۋدى قولدايدى. اتالعان جوبا اياقتالا سالىسىمەن، جەر بەتىنە تاياۋ باسسەيندەردە ساقتالىپ تۇرعان جالپى كولەمى 6،5 مىڭ توننا يادرولىق قالدىقتار سول جەرگە كوشىرىلمەك. بۇل ارقىلى فينليانديا يادرولىق وتىن قالدىقتارىن ءقاۋىپسىز ساقتاۋشى ەلگە اينالۋى مۇمكىن.