تانكەردە 800 مىڭ ليتر مازۋت بولعان
فيليپپيندە سۋعا باتقان تانكەردەن مازۋت توگىلىپ، 4 بىردەي مۋنيسيپاليتەتتىڭ جاعالاۋىنا جايىلعان، دەپ حابارلايدى Almaty-akshamy.kz قازاقپاراتقا سىلتەمە جاساپ.
Tass اگەنتتىگىنىڭ مالىمەتى بويىنشا، تانكەردە 800 مىڭ ليتر مازۋت بولعان.
ەلدىڭ قورشاعان ورتا جانە تابيعي رەسۋرستار ءمينيسترى ماريا انتونيو يۋلو-لويزاگتىڭ ايتۋىنشا، مازۋتتان پايدا بولعان داق پول، پينامالايان، گلوريا جانە بونگابونگ مۋنيسيپاليتەتتەرىنىڭ جاعالاۋىنا جەتكەن.
«Princess Empress اتتى تانكەردە وندىرىستە قولدانۋعا ارنالعان 800 مىڭ ليت مازۋت تيەۋلى بولعان. كەمە سۋعا باتىپ، تەڭىز بەتىندە الىپ داق پايدا بولعان. قورشاعان ورتا جانە تابيعي رەسۋرستار ءمينيسترى ماريا انتونيو يۋلو-لويزاگتىڭ ايتۋىنشا، وقىس وقيعا شىعىس ميندورو پروۆينسياسىنىڭ اۋماعىندا بولعان. ونىڭ سوزىنشە الىپ داق بەس بىردەي مۋنيسيپاليتەتتىڭ جاعالاۋىنا جەتكەن. «توگىلگەن مازۋت وڭتۇستىككە قاراي قالقىپ بارا جاتقانعا ۇقسايدى»، - دەگەن حابار تاراتتى جەرگىلىكتى CNN Philippines تەلەارناسى.
ماماندار داق تاراعان 12 ورىننان سىناما الىپ جاتىر. ۇكىمەتتىڭ بولجامىنا سۇيەنسەك، الىپ داق راديۋسى 40 شاقىرىم اۋماققا اسەرىن تيگىزۋى مۇمكىن. ەرتەڭ ماماندار داق تاراعان اۋدانداردىڭ حالقىمەن كەزدەسىپ، وقيعانىڭ زيانىن ەسەپتەمەكشى.