فيلادەلفيادا مەديسينالىق Learjet 55 ۇشاعى اپاتقا ۇشىرادى. اپات ۇشاق سپرينگفيلدكە باعىت العان كەزىندە بولدى، دەپ حابارلايدى aqshamnews.kz
ۇشاق Northeast Philadelphia Airport اۋەجايىنان ۇشىپ شىققان سوڭ Roosevelt Mall ساۋدا ورتالىعىنىڭ اۆتوتۇراعىنا قۇلادى. بورتتا ءتورت ەكيپاج مۇشەسى، ناۋقاس بالا جانە ونىڭ قامقورشىسى بولعان.
اقش-تىڭ كولىك ءمينيسترى شون داففي اپاتتا امان قالعاندار تۋرالى اقپاراتتىڭ راستالماعانىن مالىمدەدى. اپاتتىڭ سالدارىنان جەردەگى بىرنەشە ادام زارداپ شەككەن. ۇشاقتىڭ سىنىقتارى ۇيلەر مەن كولىكتەرگە ءتۇسىپ، ءورت شىقتى. وقيعا ورنىندا قۇتقارۋ جۇمىستارىن جۇرگىزۋ ءۇشىن شۇعىل قىزمەتتەر جەدەل ارەكەت ەتۋدە.
بۇل قايعىلى جاعدايدىڭ سەبەپتەرى ءالى تەكسەرىلۋدە، ال زارداپ شەككەندەرگە كومەك كورسەتىلۋدە.