كورمە اياسىندا قازاقستان ونەرى تانىستىرىلدى
EXPO-2020 Dubai دۇنيەجۇزىلىك كورمەسىندەگى ۇلتتىق پاۆيلوندا قازاقستاننىڭ تۋريزم كۇندەرى ءوتتى. ءىس-شارالار اياسىندا ىسكەرلىك كەزدەسۋلەر دە، مادەني ءىس-شارالار دا وتكىزىلدى، دەپ حابارلايدى Almaty-akshamy.kz Baq.kz اگەنتتىگىنە سىلتەمە جاساپ.
ۇلتتىق كۇي مەن الەمدىك حيتتەردى حالىق اسپاپتارىندا ورىنداعان «سازگەن سازى» فولكلورلىق-ەتنوگرافيالىق ءانسامبلىنىڭ ونەرى ۇلتتىق ناقىش پەن ۇلتتىق اتموسفەرانى سەزىندىردى، ال كورمە اۋماعىنداعى جاياۋ شەرۋ ءبىزدىڭ پاۆيلونىمىزدىڭ قوناقتارىن ەرەكشە ءتانتى ەتتى.
ايتا كەتەرلىگى، تۋريستەرگە ءار ادام كەنەپكە ءوز قولىمەن سۋرەت سالىپ، سول ارقىلى بارلىق كەلۋشىلەردى ءبىر ورتاق يدەيا — عالامشارداعى ءتورت ەلەمەنتتىڭ ساقتالۋىن بەينەلەۋ ارقىلى بىرىكتىرۋشى «WorldPainting» «الەم سۋرەتى» بىرەگەي جوباسى ەرەكشە اسەر قالدىردى.
سونىمەن قاتار، ءىس-شارا اياسىندا قازاقستان تاۋەلسىزدىگىنىڭ 30 جىلدىعىنا ارنالعان بەلگىلى سۋرەتشى جانە انتيادرولىق قوزعالىستىڭ بەلسەندىسى كارىپبەك كۇيىكوۆتىڭ كورمەسى ءوتتى.
بيزنەس-باعدارلاما دا مازمۇندى بولدى. باا-دەگى ق ر ەلشىلىگىنىڭ قولداۋىمەن «Kazakh Tourism» ۇك» اق، «Kazakh Invest» ۇك» اق، KIDF، «سامۇرىق-قازىنا» ۇلتتىق ءال-اۋقات قورى» اق، دۋباي قالاسىنداعى ق ر باس كونسۋلدىعىنىڭ، سونداي-اق بيزنەس توپتاردىڭ قاتىسۋىمەن ءىرى اراب كومپانيالارى، حولدينگتەر جانە ينۆەستيسيالىق قورلار ءۇشىن تۋريستىك سالا جوبالارىنىڭ پرەزەنتاسياسى بويىنشا ينۆەستيسيالىق دوڭگەلەك ۇستەل ءوتتى. ولاردىڭ باستى نازارىنداعى ماسەلە — تۋريزم جانە جىلجىمايتىن مۇلىك سالاسىنداعى ينۆەستيسيالار.
«Kazakh Tourism» ۇلتتىق كومپانياسىنىڭ باسقارما ءتوراعاسىنىڭ ورىنباسارى قايرات ءسادۋاقاسوۆ وسى كەزدەسۋدە قازاقستاننىڭ تۋريزم سالاسىنىڭ تۋريستىك الەۋەتى مەن پەرسپەكتيۆالىق ينۆەستيسيالىق جوبالارى تۋرالى ايتىپ بەردى. اراب ينۆەستورلارى اقتاۋ قالاسىنداعى كۋرورتتىق تۋريزم جوبالارى مەن الماتى وبلىسىنداعى تاۋ ءتۋريزمى جوبالارىنا ەرەكشە قىزىعۋشىلىق تانىتتى.
ق ر ۇلتتىق پاۆيلونى الاڭىندا جوسپارلانعان ىسكەرلىك ءىس-شارالار حالىقارالىق قاتىناستاردى، تۋريستىك جانە ينۆەستيسيالىق الەۋەتتى دامىتۋعا باعىتتالعانىن، ال مادەني ءىس-شارالار حالقىمىزدىڭ سالت-داستۇرلەرىمەن تانىسۋعا باعىتتالعانىن اتاپ وتكەن ءجون.