سۋرەتشى كارىم بەكتاس ماگاداندا وتكەن ءىىى حالىقارالىق «الەم حالقىنىڭ سۇيەك كەسۋ ونەرى» فەستيۆالىندە جەڭىمپاز اتاندى

بەكتاس كارىم بۇعان دەيىن اقش، وزبەكستان، مونگوليا ەلدەرىندە دە كورمەلەرگە كارتينالارىمەن قاتىسىپ، جۇلدەلى ورىندارعا يە بولعان

اقمولا وبلىسى شورتاندى اۋدانىنىڭ مادەنيەت جانە تىلدەردى دامىتۋ ءبولىمى جانىنداعى «ويىن-ساۋىق ورتالىعى» كمم سۋرەتشىسى،  بەكتاس كارىم ماگاداندا وتكەن ءىىى حالىقارالىق «الەم حالقىنىڭ سۇيەك كەسۋ ونەرى» فەستيۆالىنە قاتىسىپ، «ونەردەگى رۋحانيات» نوميناسياسى بويىنشا ءى دارەجەلى ديپلوممەن ماراپاتتالدى، دەپ حابارلايدى Almaty-akshamy.kz. 

فەستيۆالگە الەمنىڭ 12 ەلىنەن، اتاپ وتسەك اقش، كانادا، نورۆەگيا، جۇڭگو، شۆەسيا، قازاقستان، فينليانديا، بەلارۋس،  ۋكراينا،  لۋگانسكايا؛  رەسەيدىڭ 20 قالاسىنان:  ارحانگلسك،  بريانسكايا،  ماگادان، موسكوۆسكايا، سۆەردلوۆسك، تومبوۆسكايا، تۋلسكايا،  تيۋمەنسكايا وبلىستارى،  كامچاتسكايا،  كراسنودار، پەرمسكيي،  پريمورسكيي، حاباروۆسكيي، بۋرياتيا، كالمىكيا، ساحا-ياكۋتيا، چۋكوتسكيي، سانكت-پەتەربۋرگ، موكۆا قالاسىنان شەبەرلەر قاتىستى. 
الەمنىڭ تۇكپىر-تۇكپىرىنەن كەلگەن 40-تان استام  شەبەرلەردەن وزا شاۋىپ، ءى دارەجەلى ديپلوممەن ماراپاتتالۋ — ۇلكەن دارەجە. بۇل شورتاندى ءۇشىن عانا ەمەس، قازاقستان رەسپۋبليكاسىنىڭ ماقتانىشى. 

بەكتاس كارىم بۇعان دەيىن اقش، وزبەكستان، مونگوليا ەلدەرىندە دە كورمەلەرگە كارتينالارىمەن قاتىسىپ، جۇلدەلى ورىندارعا يە بولعان. ال،  سۇيەكتەن جاسالعان ونەر تۋىندىسىمەن حالىقارالىق دەڭگەيدەگى كورمەگە ءبىرىنشى رەت قاتىسىپ وتىر.