ول بۇل قىزمەتتى 1993 جىلدان بەرى باسقارىپ كەلدى.
ەۆگەنيي جوۆتيس ادام قۇقىقتارى مەن زاڭدىلىقتىڭ ساقتالۋى جونىندەگى قازاقستاندىق حالىقارالىق بيۋروسىنىڭ باسشىسى قىزمەتىنەن بوساتىلدى، دەپ حابارلايدى aqshamnews.kz
"ادام قۇقىقتارى مەن زاڭدىلىقتىڭ ساقتالۋى جونىندەگى قازاقستاندىق حالىقارالىق بيۋرو" رەسپۋبليكالىق قوعامدىق بىرلەستىگى مۇشەلەرىنىڭ جالپى جينالىسىنداعى قارالاعان ماسەلەنىڭ ءبىرى – ەكى جىل سايىن وتەتىن بيۋرو ديرەكتورىن سايلاۋ بولدى. بيۋرونىڭ قازىرگى باسشىسى جانە نەگىزىن قالاۋشىلاردىڭ ءبىرى ەۆگەنيي جوۆتيس بيۋرو باسشىلىعىنا جاستاردىڭ كەلۋى قاجەت ەكەنىن ايتىپ، ۇيىمدى جەدەل باسقارۋدان كەتكىسى كەلەتىنىن العا تارتىپ، ءوز كانديداتۋراسىن ۇسىنبادى"، دەلىنگەن ۇيىم حابارلاماسىندا.
ۇيىمنىڭ باس ساراپشى-كەڭەسشىسى قىزمەتىن اتقارا وتىرىپ، ونىڭ ستراتەگيالىق دامۋى مەن ساراپشىلىق قىزمەتىنە كوڭىل بولەتىنىن جەتكىزدى. جاسىرىن داۋىس بەرۋ بارىسىندا ديرەكتور بولىپ بيۋرو ديرەكتورىنىڭ ورىنباسارى جانە بۇۇ "بوسقىندار مەن ازاماتتىعى جوق ادامدارعا قۇقىقتىق كومەك كورسەتۋ" جوباسىنىڭ ۇيلەستىرۋشىسى دەنيس دجيۆاگا سايلاندى.