استاناداعى كوپقاباتتى ءۇيدىڭ بەسىنشى قاباتىنداعى بالكون وپىرىلىپ ءتۇستى. سول ساتتە بالكوندا تۇرعان ايەل ءىلىنىپ تۇرعان تەمىردەن ۇستاپ، عايىپتان امان قالدى دەپ حابارلايدى «پاتريوت» (https://t.me/patriot_patriot/7697).
بالكوننىڭ پليتاسى ءتورتىنشى قاباتتىڭ بالكونىنا تۇسكەن، باقىتقا وراي ول ساتتە بالكوندا ەشكىم بولماعان.
وقيعا گريگوريي پوتانين كوشەسىندەگى كوپقاباتتى ۇيدە ورىن الدى. تۇرعىنداردىڭ ايتۋىنشا، توتەنشە جاعدايلار دەپارتامەنتى (تجد) ۇلكەن جانە اۋىر بالكون پليتاسىنىڭ قالدىقتارىن شىعارۋ ءۇشىن كەلۋدەن باس تارتقان. تجد بالكونداردىڭ جەكە مەنشىك ەكەنىن ايتىپ، جاۋاپكەرشىلىكتى تۇرعىنداردىڭ وزىنە قالدىرىپ وتىر.
تجد جاعدايدى تۇرعىندارعا جانە پاتەر يەلەرى كووپەراتيۆىنە (كسك) جۇكتەسە، كسك وكىلدەرى بۇل مىندەتتەردىڭ ولاردىڭ قىزمەتتەر تىزىمىنە كىرمەيتىنىن مالىمدەدى. ەندى زارداپ شەككەن كورشىلەر ءوز ماسەلەلەرىن وزدەرى شەشۋگە ءماجبۇر بولىپ وتىر.